သီရိလင်္ကာနိုင်ငံအရှေ့ပိုင်းမှာ ကူးတို့ရေယာဉ်တစီး နိုဝင်ဘာ ၂၃ ရက်မှာ နစ်မြုပ်အပြီး ကျောင်းသားလေး ၄ ယောက် အပါအဝင် လူ ၆ ယောက်ထက်မနည်း သေဆုံးကာ တခြားလူတွေလည်း ပျောက်ဆုံးနေတယ်လို့ အရာရှိတွေက ပြောပါတယ်။
ကူးတို့ ရေယာဉ်နစ်မြုပ်အပြီး ရေတပ်က အရာရှိတွေနဲ့ ရေငုပ်သမားတွေက ရှာဖွေ ကယ်ဆယ်ရေး လုပ်ငန်းတွေကို ဆောင်ရွက်နေတယ်လို့ အာဏာပိုင်တွေက ပြောပါတယ်။
ကူရင်ချာခေနီကနေ ကင်နီယာမြို့ဆီ အရှေ့ဘက် ကမ်းရိုးတန်းအတိုင်း ခရီးထွက်လာတဲ့ ကူးတို့ရေယာဉ် နစ်မြုပ်ခဲ့တာဖြစ်ပြီး လောလောဆယ် လူ ၁၇ ယောက်ကို ကယ်ဆယ်ခဲ့ကာ အလောင်း ၅ လောင်း ရှာတွေ့ထားတယ်လို့ ရေတပ်က ပြောပါတယ်။
အဆိုပါ ကူးတို့ရေယာဉ်ပေါ်မှာ လူ ၂၅ ယောက်ကနေ ၃၅ ယောက်ကြား လိုက်ပါလာနိုင်တယ်လို့လည်း ရေတပ်အရာရှိက ပြောပါတယ်။
