ရုရှားက ယူကရိန်းအပေါ် ကျူးကျော်တိုက်ခိုက်နေတဲ့ ခြောက်လတာ စစ်ပွဲအတွင်း ကော့ကေးဆပ်တောင်တန်း မြောက်ဘက်က အော့ဆေးရှန်း တိုင်းရင်းသားတွေ သေဆုံးခဲ့ရတဲ့ အရေအတွက်ဟာ အယောက် ၁၀၀ ကျော်သွားပါပြီ။
“အစောပိုင်းက စစ်ဆင်ရေးဟာ တလ နှစ်လထက် မပိုဘူးလို့ ထင်ခဲ့ပေမဲ့ ရုရှားက နေတိုးကို တိုက်နေတာဆိုတာ သဘောပေါက်လိုက်တာနဲ့ စစ်ပွဲက အချိန်အကြာကြီး တည်တံ့နေမယ် ဆိုတာကို သိလာခဲ့တယ်” လို့ ဒေသခံတယောက်က ပြောပါတယ်။
ရုရှားဟာ ယူကရိန်းအပေါ် အထူးစစ်ဆင်ရေးအမည်နဲ့ ဖေဖော်ဝါရီ ၂၄ ရက်က စတင်တိုက်ခိုက်ခဲ့တာမှာ သေဆုံးသူ၊ ဒဏ်ရာရသူနဲ့ ပျောက်ဆုံးသူတွေနဲ့ဆိုင်တဲ့ အချက်အလက်တွေကို ရုရှား ကာကွယ်ရေးဝန်ကြီးဌာနက မတ်လ ၂၅ ရက်မှာ နောက်ဆုံးအကြိမ် ထုတ်ပြန်ခဲ့ပါတယ်။
စစ်ဆင်ရေးအတွင်း တပ်ဖွဲ့ဝင် ၁,၃၅၁ ဦး သေဆုံးခဲ့တယ်လို့ တရားဝင်ကိန်းဂဏန်းတွေက ဖော်ပြထားပါတယ်။
