၂၀၂၃ ခုနှစ် တက္ကသိုလ်ဝင် စာမေးပွဲကို လာမယ့် ၂၀၂၃ မတ် ၈ ရက်ကနေ ၁၈ ရက်နေ့အထိ ကျင်းပမယ်လို့ စစ်ကောင်စီလက်အောက်ခံ ပညာရေးဌာနက ထုတ်ပြန်ကြေညာလိုက်ပါတယ်။
တက္ကသိုလ်ဝင်စာမေးပွဲကို မတ် ၈ ရက်မှာ မြန်မာစာ၊ ၉ ရက်နေ့ အင်္ဂလိပ်စာ၊ ၁၀ ရက်နေ့ သင်္ချာဘာသာရပ်တွေကို ဖြေဆိုရမှာဖြစ်ပြီး ၁၁ ရက်နေ့နဲ့ ၁၂ ရက်နေ့မှာ ကျောင်းပိတ်ရက်ဖြစ်တဲ့အတွက် ၁၃ ရက်နေ့မှာ ပြန်လည်ကျင်းပပြီး ဓာတုဗေဒဘာသာရပ်ကို ဖြေဆိုရမှာဖြစ်ကာ၊ ၁၄ ရက် ရူပဗေဒ၊ ၁၅ ရက် ဇီဝဗေဒ/ ဘောဂဗေဒ၊ ၁၆ ရက် ပထဝီ၊ ၁၇ ရက် သမိုင်းဘာသာရပ် နဲ့ ၁၈ ရက်နေ့မှာ စိတ်ကြိုက် မြန်မာစာတို့ ဖြေဆိုရမယ်လို့ သတ်မှတ်ထားပါတယ်။
၂၀၂၃ ခုနှစ်ရဲ့ တက္ကသိုလ်ဝင်စာမေးပွဲဖြေဆိုမှုဟာ စနစ်ဟောင်း သင်ရိုးဟောင်းရဲ့ နောက်ဆုံးစာမေးပွဲဖြစ်ပြီးတော့ အဲ့ဒီစာမေးပွဲကို တက္ကသိုလ်ဝင်စာမေးပွဲ ကျရှုံးထားသူတွေနဲ့ မဖြေလိုက်ရသူတွေ ပြန်လည်ဖြေဆိုဖို့အတွက် ကျင်းပပေးတာလည်းဖြစ်ပြီး ဒီနှစ် တက္ကသိုလ်ဝင်စာမေးပွဲဟာ နောက်ဆုံးကျင်းပတဲ့ စာမေးပွဲတခုလည်းဖြစ်ပါတယ်။
၂၀၂၂ ခုနှစ်က ကျင်းပခဲ့တဲ့ တက္ကသိုလ်ဝင်စာမေးပွဲကို စစ်ကောင်စီက လုံခြုံရေးတင်းကြပ်စွာနဲ့ ကျင်းပပေးခဲ့ပြီး ပြည်သူ့အစိုးရလက်ထက်က ကျင်းပခဲ့တဲ့ တက္ကသိုလ်ဝင်တန်းစာမေးပွဲမှာ ကျောင်းသား ကိုးသိန်းကျော်အထိ ဝင်ဖြေခဲ့ပေမယ့် ၂ဝ၂၂ ခုနှစ် တက္ကသိုလ်ဝင်စာမေးပွဲမှာတော့ ဖြေဆိုသူ နှစ်သိန်းရှစ်သောင်းကျော်သာ ဝင်ရောက် ဖြေဆိုခဲ့ပြီး အောင်မြင်သူ တသိန်းသုံးသောင်းကျော်သာရှိခဲ့တာကြောင့် အောင်မြင်သူ ၄၆ ဒသမ ၈၈ ရာခိုင်နှုန်း ရှိခဲ့တယ်လို့ သိရပါတယ်။
၂၀၂၂ ခုနှစ် တက္ကသိုလ်ဝင်စာမေးပွဲအောင်မြင်တဲ့ ကျောင်းသားကျောင်းသူ အချို့ဟာ ဒီနှစ်မှာ ဖွင့်လှစ်တဲ့ တက္ကသိုလ် ပထမနှစ်သင်တန်းတွေကိုတက်ရောက်နေပေမယ့် ကျောင်းသားကျောင်းသူအချို့ကတော့ စစ်ကောင်စီပညာရေးကိုအယုံအကြည်မရှိလို့ အာဏာဖီဆန်ရေးလှုပ်ရှားမှုကို ပါဝင်ထားကြပါတယ်။
ထိမိတဲ့ သီချင်းတေးသွားစာသားတွေ၊ တမူထူးခြားတဲ့ သီဆိုဟန်တွေနဲ့ ပရိသတ်တွေ ကြား နာမည်ကြီးတဲ့ The Zero အဖွဲ့က တော်လှန်ရေးရန်ပုံငွေ အွန်လိုင်းဂီတဖျော်ဖြေပွဲတခုကို ကျင်းပသွားဖို့ ကြေညာထားပါတယ်။
ဒီပွဲကိုတော့ လာမယ့် နိုဝင်ဘာ ၂၈ ရက်နေ့မှာ ကျင်းပသွားမှာဖြစ်ပြီး လက်မှတ်ခကိုတော့ စင်ကာပူဒေါ်လာ ၁၅ ဒေါ်လာ၊ အမေရိကန်ဒေါ်လာ ၁၀ ဒေါ်လာနဲ့ မြန်မာငွေ ကျပ် ၁၅,၀၀၀ အသီးသီး သတ်မှတ်ထားတာ ဖြစ်ပြီး လက်မှတ်စရောင်းမယ့်နေ့နဲ့ အသေးစိတ်ကို မကြာခင်ကြေညာပေးသွားမယ်လို့ ဆိုပါတယ်။
“ဒီပွဲကနေရရှိသမျှ အကျိူးအမြတ် ၁၀၀ % ကို Care and Courage ကနေတဆင့် လိုအပ် သည့် နေရာများကို လှူဒါန်းသွားမှာပါ။ ကျတော်တို့ သီချင်းလေးတွေ Live နားထောင်ရင် လှုပေးကြပါဉီးခင်ဗျာ 🙏🏻 We Love you , Zero Addicts ❤️”
The Zero အဖွဲ့ဟာ လွန်ခဲ့တဲ့ နှစ်အတန်ကြာကာလ ကတည်းက ထင်ရှားတဲ့ မြန်မာသီ ချင်းတွေရော၊ နိုင်ငံခြားသီချင်းတွေကိုပါ ကာဗာအနေနဲ့ သီဆိုခဲ့ရာကနေ နောက်ပိုင်းမှာ တော့ တဖြည်းဖြည်း ပရိသတ်တွေ သတိပြုမိလာခဲ့ကြတာဖြစ်ကာ ကိုယ်ပိုင်သီချင်းသစ်တွေနဲ့အတူ ဂီတအနုပညာ လှုပ်ရှားမှုတွေ လုပ်ဆောင်နေခဲ့တာ ဖြစ်ပါတယ်။
သူတို့အဖွဲ့ရဲ့ One ၊ TO THE MOON AND BACK စတဲ့ တကိုယ်တော်တေးအယ်လ်ဘမ် တွေ ထွက်ရှိထားခဲ့ပြီဖြစ်ကာ Dear Crush ၊ ချိန်း၊ Lovely Wedding Day ၊ ပြာ ၊ Lumiere စတဲ့ သီချင်းတွေကတော့ သူ့ပရိသတ်တွေကြား ထင်ရှားတဲ့ သီချင်းတွေ ဖြစ်ပါတယ်။
မြန်မာ့နွေဦးတော်လှန်ရေး ၉ လခွဲကျော်ကာလအတွင်း စစ်အာဏာရှင်ဆန့်ကျင်တော် လှန်ရေးမှာ တိုက်ပွဲဝင်နေကြတဲ့ ပြည်သူတွေနဲ့အတူ ရုပ်ရှင်၊ ဂီတအနုပညာရှင်တွေဟာလည်း ကျရာကဏ္ဍအသီးသီးကနေ တတပ်တအား ပါဝင်နေကြပါတယ်။
