"ပြည်သူမှ ပြည်သူသို့" ကျန်းမာ​ရေး​စောင့်ရှောက်မှုလုပ်ငန်းကို စစ်ကိုင်းတိုင်း ယင်းမာပင်မြို့နယ်နဲ့ ဆားလင်းကြီးမြို့နယ်တို့က ​ကျေးရွာတစ်ချို့မှာ  စတင်အ​ကောင်ထည်​ဖော်​လုပ်ဆောင်​နေပါတယ်။ 

စစ်ကိုင်းတိုင်းအတွင်း ကျေးရွာတွေအတော်များများမှာ  ကိုဗစ်-၁၉ ကူးစက်မှု  ရှိလာတာ​ကြောင့် မိမိတို့​ဒေသမှာ ​ပြည်သူ​တွေရဲ့အခက်အခဲတချို့ကို ​ပြေ​လျော့​စေဖို့ ရည်ရွယ်ကာ လုပ်​ဆောင်​​နေတာဖြစ်ပါတယ်။

“ပိုးစစ်​ဆေးမှုအပိုင်းနဲ့ ပိုး​တွေ့လူနာတွေရဲ့  ​ဆောင်ရွက်ရမယ့်အပိုင်းကို​တော့ CDM မှာပါဝင်ထားတဲ့ ပြည်သူ့ကျန်းမာ​ရေးဝန်ထမ်းတွေက  ​အခမဲ့ ကူညီ​​ဆောင်ရွက်ပေး​တယ်လို့" ပြည်သူမှ ပြည်သူသို့ လှုပ်ရှားမှုမှာ ပါဝင်ကူညီပေးနေသူ တစ်ဦးက ​ပြောပါတယ်။

ဇူလိုင် ၁၅ ရက်မနက်ပိုင်းထိ ကိုဗစ်-၁၉ သံသယလူနာ ၅၀ ​ကျော်စစ်​ဆေးနိုင်ခဲ့ပြီး အဲဒီထဲက ပိုး​တွေ့ရှိသူ ၃၇ ဦးရှိကာ ပိုး​တွေ့လူနာတွေကိုတော့  ကိုယ်ထူကိုယ်ထစနစ်နဲ့  ကျေးရွာအလိုက် ​စောင့်​ရှောက်ထားရှိတယ်လို့ ဆိုပါတယ်။

စစ်ကိုင်းတိုင်းမှာ ကိုဗစ်-၁၉ ကူးစက်ခံရသူ အတည်ပြုလူနာ  ၅၇၄ ယောက်နဲ့ သေဆုံးသူ   ၁၅  ယောက်ရှိတယ်လို့ စစ်ကောင်စီ ကျန်းမာရေးဌာနက  ဇူလိုင် ၁၄ ရက်နေ့မှာ ထုတ်ပြန်ကြေညာထားပါတယ်။