တရုတ်နိုင်ငံမှာ မတ် ၁၁ ရက် မနက်ပိုင်းက ကျင်းပခဲ့တဲ့ အမျိုးသားဥပဒေပြုလွှတ်တော် ၁၄ ကြိမ်မြောက် အမျိုးသားပြည်သူ့ကွန်ဂရက် NPC ရဲ့ ပထမအကြိမ် စုံညီအစည်းအဝေးမှာ တရုတ်ဝန်ကြီးချုပ် အဖြစ်အသစ် ခန့်အပ်ခံရတဲ့ လီချန်းက ဖွဲ့စည်းပုံအခြေခံဥပဒေကို သစ္စာခံကြောင်း လူသိရှင်ကြား ကတိပြုခဲ့ပါတယ်။
ပေကျင်းမြို့ရှိ ပြည်သူ့ခန်းမကြီးမှာ အသစ်တဖန် ရွေးချယ်ခံရတဲ့ သမ္မတ ရှီကျင့်ဖျင်က လီချန်းကို ဝန်ကြီးချုပ်အဖြစ် အမည်စာရင်း တင်သွင်းခြင်းကို NPC ကိုယ်စားလှယ် ၃,၀၀၀ နီးပါး မဲပေးခဲ့ကြပါတယ်။
တရုတ်သမ္မတ ရှီကျင့်ဖျင်က သမ္မတအမိန့်ကို လက်မှတ်ရေးထိုးပြီးနောက်မှာ လီချန်းကို တရားဝင် ဝန်ကြီးချုပ်အဖြစ် ခန့်အပ်ခဲ့ပါတယ်။
ရာထူးခန့်အပ်ကြောင်း ကြေညာပြီးနောက် ဝန်ကြီးချုပ်အသစ် လီချန်းဟာ သမ္မတ ရှီနဲ့ လက်ဆွဲနှုတ်ဆက်ခဲ့ပြီး အဲဒီနောက်မှာ နိုင်ငံရဲ့ဖွဲ့စည်းပုံအခြေခံဥပဒေကို သစ္စာခံကြောင်း ကျမ်းသစ္စာ ကျိန်ဆိုခဲ့ပါတယ်။
၁၄ ကြိမ်မြောက် NPC ရဲ့ ပထမအကြိမ် အစည်းအဝေးကို မတ်လ ၅ ရက်နေ့မှာ ဖွင့်လှစ်ခဲ့ပြီး မတ်လ ၁၃ ရက်မှာ ပြီးဆုံးဖို့ စီစဉ်ထားပါတယ်။
ဂျာမနီနိုင်ငံရဲ့ ကာကွယ်ရေးဝန်ကြီးအသစ် ဘောရစ္စ် ပစ္စတိုးရီးယပ်စ်ဟာ ဇန်နဝါရီ ၁၉ ရက်က ကျမ်းသစ္စာကျိန်ဆိုခဲ့ပါတယ်။
ဂျာမန် ပြည်ထောင်စုလွှတ်တော်အဖွဲ့ဝင်တွေဟာ ကာကွယ်ရေးဝန်ကြီးဟောင်း ခရစ္စတင်း လမ့်ဘရက်ချ်ရဲ့ နေရာဆက်ခံမယ့် ပစ္စတိုးရီးယပ်စ်ကို လက်ခုပ်တီး ကြိုဆိုခဲ့ကြပါတယ်။
ကာကွယ်ရေးဝန်ကြီးဟောင်း လမ့်ဘရက်ချ် ဟာ အမှားအယွင်းတွေ ဆက်တိုက်လုပ်ခဲ့ပြီးနောက်မှာ ပြီးခဲ့တဲ့အပတ်က ရာထူးကနေ နုတ်ထွက်သွားတာပါ။
ကာကွယ်ရေးဝန်ကြီးအသစ်ဟာ ဂျာမနီ အဓိပတိ အိုလက်ဖ်ရှောဇ် နဲ့ လမ့်ဘရက်ချ် တို့လိုပဲ ဆိုရှယ်ဒီမိုကရက် ပါတီဝင် ဖြစ်ပါတယ်။
ပစ္စတိုးရီးယက်စ်ဟာ ကာကွယ်ရေးဝန်ကြီးအဖြစ် ခန့်အပ်မခံရခင်က အောက်ပိုင်း ဆက်ခ်ဆိုနီ ပြည်နယ်ရဲ့ ပြည်ထဲရေးဝန်ကြီး ဖြစ်ပါတယ်။
အရင်ကတော့ သူဟာ ရုရှားနဲ့ သံတမန်ရေးအရ ရင်းနှီးတဲ့ဆက်ဆံရေးကို ထောက်ခံသူ ဖြစ်ခဲ့ပေမယ့် ၂၀၂၂ ခုနှစ်၊ ဖေဖော်ဝါရီလမှာ ရုရှားကယူကရိန်းကို ကျူးကျော်စစ် စတင်ခဲ့ချိန်မှာ သဘောထား ပြောင်းလဲခဲ့ပြီး လက်ရှိမှာ ဂျာမန်စစ်တပ်ကို ပိုပြီးအားကောင်းအောင် ပံ့ပိုး ပေးနေပါတယ်။
ပစ္စတိုးရီးယက်စ်ဟာ ကာကွယ်ရေးဝန်ကြီးအနေနဲ့ သူ့ရဲ့ ပထမဆုံး အစည်းအဝေးကို အမေရိကန် ကာကွယ်ရေးဝန်ကြီး လွိုက်ဒ် အော်စတင်နဲ့ ဇန်နဝါရီ ၁၉ ရက်နေ့ တွေ့ဆုံမှာဖြစ်ပါတယ်။
ကာကွယ်ရေးဝန်ကြီး ၂ ဦးဟာ ယူကရိန်းကို နောက်ထပ် လက်နက်တွေပေးပို့ရေး ကိစ္စတွေကို ဆွေးနွေးမယ်လို့ မျှော်လင့်ရပါတယ်။
