ကျုံပျော်မြို့နယ်၊ အထောင်တိုက်နယ်၊ EPC ရုံးအ၀င်ဝမှာ ဒီဇင်ဘာ ၃ ရက်​နေ့ မနက် ၄ နာရီ ၄၅ မိနစ်လောက် လက်လုပ်ဗုံးတစ်လုံး ပေါက်ကွဲခဲ့​တယ်လို့ သိရှိရပါတယ်။

အ​ထောင် EPC ရုံးအ၀င်မှာ ​ဗုံးပေါက်ကွဲမှုအား KSTF (Kyonpyaw Special Task Force)က ပြုလုပ်တာဖြစ်ပြီး ထူထိခိုက်မှုမရှိ​ကြောင်း သိရပါတယ်။ 

EPC ဝန်ထမ်းတွေကို ပထမကြိမ် လက်တွေ့သတိပေးတဲ့အနေနဲ့ ဖောက်ခွဲခဲ့တာ ဖြစ်ကြောင်း၊ သတိပေးခဲ့တဲ့အတိုင်း မီတာခ ဖိအားပေးကောက်ခံတာ၊ မပေးပါက မီးဖြတ်တောက်ဆိုပြီး ခြိမ်းခြောက်တာတွေ ဆက်လက်ပြုလုပ်ပါက  ထိထိရောက်တုံ့ပြန်သွားမယ်လို့ KSTF အဖွဲ့က ထုတ်ပြန်ထားပါတယ်။

ကျုံ​ပျော်မြို့​ပေါ်နဲ့ ကျေးရွာတွေမှာ စစ်ကောင်စီတပ်နဲ့ လက်​အောက်ခံ EPC က လျှပ်စစ်မီတာခတွေ ​ပေးဖို့ ဖိအား​ပေး​ကောက်ခံနေတယ်လို့ ​ဒေသခံတွေက ပြောပါတယ်။

ကျုံ​​ပျော်မြို့နယ်မှာ နို၀င်ဘာလအတွင်း စစ်တပ်ပိုင် မိုင်တဲလ်တာဝါတိုင်တိုက်ခိုက်ခံရသလို ဒလန်ရှင်းလင်းခံရတာတွေလည်း ရှိတယ်လို့ သိရပါတယ်။

ဧရာ၀တီတိုင်း၊ ကျုံ​ပျော်မြို့နယ်၊ ဇရစ်ရိုး​ကျေးရွာအုပ်စု၊​ လှေဆွဲကျေးရွာက အိုးအိမ်စွန့်ခွာသူတွေ အတွက်  ဩစတြေးလျနိုင်ငံ၊ Doctors, Nurses and Friends (DNF) အဖွဲ့က ကျပ်သိန်း ၁၃၁ ကို အမျိုးသားညီးညွတ်ရေးအစိုးရမှ တဆင့် ဇွန် ၁၄ ရက်မှာ ကူညီထောက်ပံ့​ပေးအပ်ခဲ့​ကြောင်းကို ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာနက ထုတ်ပြန်ပါတယ်။ 

လှေဆွဲကျေးရွာမှာ ဇွန် ၅ ရက်မနက်ပိုင်းကစပြီး ဒေသခံတွေကို  စစ်တပ်နဲ့ရဲတပ်ဖွဲ့က ပြင်းထန်စွာ တိုက်ခိုက်ခံခဲ့ရပြီး ရွာသား ၄ ဦး ကျဆုံးခဲ့ကာ လူဦးရေ ၁၅၀၀ ခန့် နေရပ်စွန့်ခွာ ခဲ့ရပါတယ်။ 

နေရပ်စွန့်ခွာရသူပြည်သူတွေအတွက်  ဩစတြေးလျနိုင်ငံ၊ Doctors, Nurses and Friends (DNF) ကလှူဒါန်းမှုတွေကို သက်ဆိုင်ရာ မြေပြင် ကယ်ဆယ်ရေးလုပ်နေတဲ့ အဖွဲ့တွေထံသို့ ချိတ်ဆက်​​ပေးအပ်ခဲ့​တယ်လို့ သိရပါတယ်။