close

ကျောင်းနံရံပြိုကျ

close

October 7, 2022

အင်ဒိုနီးရှားတွင် ရေကြီးပြီး စာသင်ခန်းနံရံ ပြိုကျမှုကြောင့် ကျောင်းသား ၃ ဦး သေဆုံး

အင်ဒိုနီးရှားနိုင်ငံ ဂျကာတာမြို့တော်မှာ ပြီးခဲ့တဲ့ရက်ပိုင်းအတွင်း မြို့တွင်းရေကြီးမှု ဆက်တိုက် ဖြစ်ပွားခဲ့ပြီး အောက်တိုဘာ ၆ ရက်က ရေကြီးရေလျှံမှုအတွင်း ကျောင်းသား ၃ ယောက် သေဆုံးခဲ့ပါတယ်။

ရေကြီးမှုကြောင့် စာသင်ကျောင်းအတွင်းကို ရေတွေဝင်ရောက်လာကာ ကျောင်းခန်းနံရံ ပြိုကျမှုကြောင့် ကလေးတွေ ပိမိကုန်တယ်လို့ အရာရှိတယောက်က မီဒီယာကို ကိုးကားပြီး ပြောပါတယ်။

မြစ်ရေတက်ပြီး ကျောင်းနံရံပြိုကျချိန်မှာ ရေက လူကြီးရင်ဘတ်လောက် အမြင့်ရှိတယ်လို့ ရေလွှမ်းနေတဲ့ကျောင်းက ဆရာမ ဇနီးသည်ဆီ လာရောက်ကယ်တင်ကူညီတဲ့ သူ့ခင်ပွန်းဖြစ်သူ ရိုင်ယန်က သတင်းထောက်ကို ပြောပါတယ်။

ရေကြီးရေလျှံဖြစ်ပြီးနောက် အခင်းဖြစ်ပွားရာနေရာကို ဒေသဆိုင်ရာ အာဏာပိုင်တွေက သွားရောက်ကြည့်ရှုခဲ့ပြီး အဲဒီမှာ ရဲတပ်ဖွဲ့က ဆက်လက်စုံစမ်းစစ်ဆေးရေးအတွက် လိုင်းတလိုင်း တပ်ဆင်ထားပါတယ်။

ဆေးရုံတက်နေရသူတွေအတွက် ရန်ပုံငွေအားလုံးကို အပြည့်အဝ ပေးသွားမယ်လို့ သာသနာရေးဝန်ကြီးဌာန တာဝန်ရှိသူတယောက်က ကြေညာခဲ့ပြီး ပြန်လည်ထူထောင်ရေး လုပ်ငန်းစဥ်အတွင်း သင်ကြားရေးနဲ့ သင်ယူရေးပိုင်း လုပ်ငန်းစဉ်အတွက် ယာယီနေရာတခု ရှာဖွေဖို့ တာဝန်ယူကြောင်းလည်း ပြောကြားပါတယ်။

အင်ဒိုနီးရှားနိုင်ငံဟာ အထူးသဖြင့် နိုဝင်ဘာလမှ မတ်လအထိ မိုးရာသီအတွင်း ရေကြီးမြေပြိုမှုတွေကို မကြာခဏ ကြုံတွေ့နေရပါတယ်။

4 mins Ago
Up