မန္တလေးတိုင်းဒေသကြီး မြင်းခြံခရိုင်မှာ ကိုဗစ်-၁၉ မျိုးကွဲ အိုမီခရွန် ဖေဖော်ဝါရီ ၁၃ ရက်က မြင်းခြံမြို့မှာ စတင်တွေ့ရှိခဲ့ပြီး ဒီနေ့ထိ အမျိုးသား ၁ ဦး သေဆုံးထားပြီလို့ သိရပါတယ်။
မြင်းခြံမှာ ကိုဗစ် -၁၉ မျိုးကွဲ အိုမီခရွန်ပိုးကို ဖေဖော်ဝါရီ ၁၃ ရက်က တစ်ရက်တည်း ၁၁ ဦး စတွေ့ တာပြီး ဖေဖော်ဝါရီ ၂၀ ရက်ထိ ပိုးတွေ့လူနာ ၁၉ ဦးရှိတယ်လို့ မြင်းခြံ ကိုဗစ် -၁၉ ရောဂါ စောင့်ကြည့်လေ့လာသူတစ်ဦးက ပြောပါတယ်။
“ဖေဖော်ဝါရီ ၁၉ ရက်နေ့က အမျိုးသားတစ်ဦး သေဆုံးပြီး တချို့လည်း ဆေးရုံဆင်းသွားကြတာမို့ ခုထိ မြင်းခြံခရိုင် ပြည်သူ့ဆေးရုံကြီးမှာ ကိုဗစ်လူနာ ၄ ဦးပဲ ကျန်ရှိပြီး ဆေးကုသမှု ခံယူနေတယ်။”
မြင်းခြံပိုးတွေ့ရှိရာ နေရာတွေမှာ ပိုးသတ်ဆေးဖြန်း ကူညီမှုတွေ ၂၄ နာရီ လုပ်ဆောင်ပေးနေပြီး လိုအပ်လို့ ဆေးဖြန်းလိုပါက အချိန်မရွေး ဆက်သွယ် အကူအညီတောင်းခံနိုင်တယ်လို့ အဖြူရောင်လက်များ ပရဟိတအသင်းက သိရပါတယ်။
အလားတူ နွားထိုးကြီးမြို့နယ် အခြေခံပညာကျောင်းတွေမှာလည်း ကိုဗစ်-၁၉ ရောဂါ စစ်ဆေးမှုကို မြို့နယ် ကျန်းမာရေးဦးစီးဌာနက ကွင်းဆင်းစစ်ဆေးပေးနေပြီး ဖေဖော်ဝါရီ ၂၀ ရက်နေ့ထိ ကျောင်းအချို့မှာ စစ်ဆေးချက်အရ ကိုဗစ်-၁၉ ပိုးတွေ့သူ ၅၀ လောက် ရှိနေပြီလို့ ဒေသခံ တစ်ဦးက ပြောပါတယ်။
“မြို့မှာကတော့ ကျောင်းတွေကိုသာ ကွင်းဆင်းစစ်ဆေးနေလို့ ပိုးတွေ့တာ သိနေရတာ။ အရပ်ထဲရော၊ ရွာထဲမှာပါ နေထိုင်မကောင်းသူတွေက အများကြီးပါ။ ချောင်းဆိုးတယ်၊ ရင်ကျပ်တယ်၊ မောတယ်၊ ကိုယ်လက်နာတယ် ဆိုတဲ့ လူမမာတွေပေါတယ်။ ဆေးမစစ်စ်တော့ ပိုးမတွေ့ဘူးပေါ့။ ရွာဘက်က အထက်တန်းကျောင်းတစ်ကျောင်းတော့ ကိုဗစ်ပိုးတွေ့လို့ တစ်ပတ် ပိတ်ထားတယ်။”
အများပြည်သူအလုပ်ပိတ်ရက်အဖြစ် ဇူလိုင် ၂၆ ရက်နေ့မှ ဩဂုတ်လ ၁ ရက်နေ့ အထိ တစ်ဆက် တစ်စပ်တည်း ထပ်မံတိုးမြှင့်သတ်မှတ်ကြောင်း အာဏာသိမ်းစစ်ကောင်စီက ဇူလိုင် ၂၃ ရက်မှာ ကြေညာပါတယ်။
ကိုဗစ်-၁၉ ရောဂါကူးစက်မှုကို ထိရောက်စွာ ကာကွယ်ထိန်းချုပ်ကုသနိုင်ဖို့အတွက် အများပြည်သူ အလုပ်ပိတ်ရက်ကို ပြီးခဲ့တဲ့ ဇူလိုင် ၁၇ ရက်ကနေ ၂၅ ရက်နေ့အထိ တဆက်တည်းပိတ်ရက်အဖြစ် သတ်မှတ်ခဲ့ရာက အခု ဩဂုတ် ၁ ရက်အထိ နောက်ထပ် သီတင်းတပတ်ကြာ တိုးမြှင့်သတ် လိုက်တာပါ။
ကိုဗစ်-၁၉ ရောဂါကူးစက်မှုကွင်းဆက်ကို ဆက်လက်ဖြတ်တောက် ဟန့်တားထိန်းချုပ်ပြီး ပုံမှန်အခြေအနေသို့ အမြန်ပြန်လည်ရောက်ရှိနိုင်ဖို့ ထူးခြားတဲ့ အခြေအနေအရ ဘဏ်တွေမှအပ တစ်ဆက်တစ်စပ်တည်း အများပြည်သူအလုပ်ပိတ်ရက်အဖြစ် တိုးမြှင့်သတ်မှတ်ကြေညာ လိုက်တာပါ။
အဆိုပါ အများပြည်သူအလုပ်ပိတ်ရက်ကာလအတွင်း မိမိတို့ရဲ့နေအိမ် သို့မဟုတ် အဆောင်တွေမှာသာ နေထိုင်ကြဖို့ တာဝန်နဲ့ နာရေးမှအပ ခရီးသွားလာခြင်း လုံးဝမပြုလုပ်ဖို့၊ စက်ရုံ၊ အလုပ်ရုံတွေကို ကျန်းမားရေးနှင့်အားကစားဝန်ကြီးဌာနရဲ့ ကိုဗစ်-၁၉ ကာကွယ်ရေးဆိုင်ရာ လမ်းညွှန်ချက်နဲ့ အညီဖွင့်လှစ်ဖို့၊ ရုံးလုပ်ငန်းတွေ လစ်ဟင်းမှုမရှိစေရေး work from home နည်းလမ်း အခြား သင့်လျော်တဲ့ နည်းလမ်းတွေနဲ့ စီမံဆောင်ဖို့တွေလည်း သီးခြားအမိန့်ထုတ်ထားပါတယ်။
ဘဏ်တွေ၊ အစိုးရဆေးရုံမ ပုဂ္ဂလိကဆေးရုံ ဆေးခန်းတွေဖွင့်ဖို့၊ စက်သုံးဆီ၊ သောက်သုံးရေသန့်၊ သား၊ ငါးနဲ့ အခြေခံစားသောက်ကုန် ရောင်းချတဲ့ဆိုင်တွေ၊ ဆေးဝါးနှင့်ဆေးပစ္စည်းကိရိယာတွေ ရောင်းချတဲ့ဆိုင်တွေဖွင့်လှစ်ဖို့နဲ့ စားသောက်ဆိုင် ပါဆယ်စနစ်နဲ့သာ ရောင်းချဖို့ သတ်မှတ်ထားပါတယ်။
ကုန်စည်စီးဆင်းမှုအဆင်ပြေချောမွေ့စေရေးအတွက် ကုန်တင်ယာဉ်များသွားလာမှု စံသတ်မှတ်ချက် Standard Operating Procedure (SOP) အတိုင်း လိုက်နာ ဆောင်ရွက်ဖို့နဲ့ ကုန်တင်ကုန်ချဆိပ်ကမ်းတွေ ဆက်လက်ဖွင့်လှစ်ဆောင်ရွက်ရမယ်လို့လည်း ဆိုပါတယ်။
အိမ်ပြင်ထွက်ရင် ပါးစပ်၊ နှာခေါင်းစည်း(Mask) အပါအဝင် လိုအပ်သော ရောဂါကာကွယ်ရေးအစီအမံများ မဖြစ် မနေဝတ်ဆင်ရန်၊ ကိုဗစ်-၁၉ ကာကွယ်၊ ထိန်းချုပ်၊ ကုသရေးဗဟို ကော်မတီနဲ့ ကျန်းမာရေးနှင့်အားကစားဝန်ကြီးဌာနက ထုတ်ပြန်ထားသည့် စည်းကမ်းချက်များကို တိကျစွာလိုက်နာဖို့နဲ့ လိုက်နာရန်ပျက်ကွက်ပါက အရေးယူသွားမယ်လို့လည်း ထုတ်ပြန်ချက်မှာ ဖော်ပြထားပါတယ်။
အလားတူ နိုင်ငံတဝန်းရှိ အခြေခံပညာ စာသင်ကျောင်းတွေကိုလည်း ကိုဗစ်-၁၉ ပြန့်ပွားမှုကို ဟန့်တား ထိန်းချုပ်ဖို့အတွက် ဇူလိုင် ၂၆ မှ ဩဂုတ် ၈ ရက်အထိ သီတင်းနှစ်ပတ်ကြာ ဆက်လက်ပိတ်ထားမယ်လို့ ကိုဗစ်-၁၉ ကာကွယ်၊ ထိန်းချုပ်၊ ကုသရေးဗဟို ကော်မတီက ကြေညာထားပါတယ်။
မြန်မာနိုင်ငံတဝန်းမှာ ကိုဗစ်-၁၉ ရောဂါကူးစက်ခံရသူရော သေဆုံးသူပါ တိုးလာနေပြီး မနေ့က တရက်အတွင်း ကိုဗစ်-၁၉ ကူးစက်မှုအသစ် ၅,၅၀၆ ယောက်၊ သေဆုံးသူ ၃၂၆ ယောက် ရှိတယ်လို့ စစ်ကောင်စီ ကျန်းမာရေးနဲ့ အားကစားဝန်ကြီးဌာနက ဇူလိုင် ၂၃ ရက်ညမှာကြေညာထားပါတယ်။
ရန်ကုန်မြို့ သုသာန်လေးခုမှာတော့ ဇူလိုင် ၂၃ ရက်က မီးသင်္ဂြိုဟ်ရတဲ့ရုပ်အလောင်း ၁၀၀၀ ဝန်းကျင်ရှိတယ်လို့ အကူအညီပေးနေတဲ့ ပရဟိတသမားတွေက ပြောပါတယ်။
