တရုတ်နိုင်ငံဟာ လတ်တလော ကိုဗစ်-၁၉ ကူးစက်မှုတွေထပ်မံဖြစ်ပွားနေတာကြောင့် ကျေးလက်ဒေသနဲ့ ထိခိုက်လွယ်တဲ့ ပြည်သူတွေကို ဦးတည်ပြီး ကျန်းမာရေးစောင့်ရှောက်မှုပေးဖို့ အစီအမံ အမျိုးမျိုးကို လုပ်ဆောင်ခဲ့ပါတယ်။

တရုတ်နိုင်ငံ အရှေ့မြောက်ပိုင်း ဟေလောင်ကျန်းပြည်နယ်ရဲ့ ဒေသန္တရ အာဏာပိုင်တွေဟာ ကျေးလက်ဒေသတွေမှာ ဆေးခန်းတွေရဲ့ အခန်းကဏ္ဍ အသက်ဝင်စေဖို့နဲ့ အရေးပေါ် ခေါ်ဆိုနိုင်တဲ့ ဖုန်းလိုင်းတွေ သတ်မှတ်တာလိုမျိုး နည်းလမ်းမျိုးစုံနဲ့ ဆေးဘက်ဆိုင်ရာ ဝန်ဆောင်မှုတွေကို ဆောင်ရွက်ပေးနေပါတယ်။

ကိုဗစ်-၁၉ တုံ့ပြန်မှု အစီအမံတွေ ပိုမိုတိုးတက်ကောင်းမွန်လာစေရေးနဲ့ ကျန်းမာရေးဝန်ဆောင်မှုတွေ ပိုကောင်းလာအောင် ဆောင်ရွက်နေပါတယ်။

“ချမ်းအေးလှတဲ့ ဆောင်းရာသီမှာ ကျနော်တို့ကို တအိမ်တက်ဆင်း စစ်ဆေးပေးပြီး ဝန်ဆောင်မှုပေးတဲ့အတွက် ဆရာဝန်ကို ကျေးဇူးတင်ပါတယ်။ သူတို့က ကျနော်တို့ကို ဒီလိုမျိုး ကြီးကြီးမားမား ပေးခဲ့တာ၊ ဆေးရုံသွားစရာမလိုဘူး” လို့ ဆီးချိုရောဂါနဲ့ သွေးတိုးရောဂါ အပါအဝင် ရောဂါတွေ ခံစားနေရတဲ့ ဟိုင်လန်မြို့က အသက် ၆၇ နှစ်အရွယ် ရွာသား  ရွှီကျန်းဖန်က ပြောပါတယ်။

ကျေးလက်ဒေသတွေမှာ ကိုဗစ်-၁၉ တုံ့ပြန်မှုအတွက် အထူးတန်းခွဲတခုကို တရုတ်နိုင်ငံ အရှေ့ပိုင်း ကျန်းရှီးပြည်နယ် ရှန်းလီခရိုင်မှာ ဖွင့်ခဲ့ပြီး အသက် ၆၅ နှစ်နဲ့အထက် သက်ကြီးရွယ်အိုတွေရဲ့ အခြေခံအချက်အလက်တွေနဲ့ ကျန်းမာရေးအခြေအနေတွေကို လေ့လာမှတ်တမ်းတင်ဖို့ ဝန်ထမ်းရှစ်ဦးနဲ့ ဖွဲ့စည်းထားပါတယ်။

ရောဂါအခံရှိသူတွေနဲ့ အနီရောင်၊ အဝါနဲ့ အစိမ်း အရောင်သုံးမျိုးနဲ့ ကိုယ်စားပြုတဲ့ အဆင့်သုံးဆင့်နဲ့ အဓိကအုပ်စုတွေအတွက် အထက်အောက် ကျန်းမာရေးစောင့်ကြည့်မှုကို အကောင်အထည် ဖော်ပေးနေပါတယ်။

ဒါ့အပြင် နိုင်ငံတဝန်းက မြို့ကြီးတွေမှာ အဆင့်မြင့်ဆေးရုံတွေဟာ နိုင်ငံရဲ့ ကိုရိုနာဗိုင်းရပ်စ် တုံ့ပြန်မှု အစီအမံတွေကို ပိုကောင်းမွန်အောင် လုပ်နေပါတယ်။

အဲဒီနောက် နိုင်ငံရဲ့ နောက်ဆုံးပေါ် ကိုဗစ်-၁၉ ဖြစ်ပွားမှုမှာ အဖျားရောဂါ ဖြစ်ပွားမှုကို တုံ့ပြန်တဲ့အနေနဲ့ ဆေးဘက်ဆိုင်ရာ အရင်းအမြစ်တွေနဲ့ ဝန်ဆောင်မှုပေးတာကို တိုးချဲ့ဖို့ အင်အားတွေကို စုစည်းထားပါတယ်။

ကျန်းကျိုးတက္ကသိုလ်ရဲ့ ပထမဆုံး တွဲဘက်ဆေးရုံဟာ ကုတင် ၈၀၀ ပါတဲ့ လွတ်လပ်တဲ့ ဆေးရုံဧရိယာကို ဖွင့်လှစ်ထားပြီး သက်ကြီးရွယ်အိုတွေနဲ့ ပြင်းထန်တဲ့ ရောဂါအခံရှိသူတွေကို အဓိကအားဖြင့် ကုသပေးနေပါတယ်။

မြန်မာပြည်တွင်း ဒေါ်လာဈေးတွေနဲ့ စက်သုံးဆီဈေး အဆမတန်မြင့်တက်လာတာနဲ့အမျှ မွန်ပြည်နယ်၊ ရေးမြို့နယ်ဘက်က ဝေးလံခေါင်ဖျားတဲ့ ကျေးလက်ဒေသနေ ပြည်သူတွေမှာ စားဝတ်နေရေး ပိုမိုခက်ခဲလာနေတယ်လို့ ဒေသခံတွေက ပြောပါတယ်။

ဒေသခံတဦးက “အခုက မိုးရာသီလည်း ဖြစ်တော့ ကားလမ်းတွေက သွားလာလို့ မရဘူး။ ဆိုင်ကယ်နဲ့ကလည်း အခုဆီ ဈေးနဲ့က ပစ္စည်းသယ်ပို့ခတွေနဲ့ ဆို ကုန်ကျစရိတ်က နှစ်ဆ တက်တယ်။ စားသောက်ကုန်တွေလည်း မြို့ပေါ်ဈေးတွေထက် ဈေးက ပိုကြီးသလို တခါတလေ စားစရာ သောက်စရာတွေ ပြတ်လပ်ခဲ့တယ်။ အိမ်သုံးဆေးဝါးတွေကအစ ပြတ်လပ်သလို ကျန်းမာရေးကိစ္စနဲ့ ဆို အခက်ခဲတွေ ဖြစ်ကြတယ်”လို့ ပြောပါတယ်။

ဒေသခံ နောက်တဦးကလည်း “မြို့ပေါ်မှာ စားသုံးဆီ တထုပ်ကို ကျပ်  ၅၀၀၀ ကျော်၊  ကျေးလက်ဒေသမှာ ကျပ် ၆၀၀၀ အထိ ဖြစ်သလို ဆန်ဆို တန်ဖိုးနည်းတဲ့ ဆန်ကြမ်းတွေပဲ ဝယ်စားနိုင်တယ်။ ကျန်းမာရေးကြောင့် ဆေးခန်းပြဖို့ဆို ညဘက်ဆို အရေးပေါ်လူနာတွေ သွားမရ လာမရတော့ အခက်အခဲမျိုးစုံနဲ့ ကြုံရတယ်”လို့ ပြောပါတယ်။

နယ်ကျေးရွာအစွန်းဖျားဒေသဘက်တွေမှာ ဥယျာဉ်ခြံလုပ်ငန်းကို အများဆုံး မှီခိုလုပ်ကိုင်နေရပေမဲ့ ခြံထွက်ပစ္စည်းတွေက ဈေးကမရတော့ အခု ကုန်ပစ္စည်းဈေးနဲ့ဆို ဘယ်လိုမှတွက်ခြေတွေ မကိုက်ကြသလို ဝေးလံခေါင်းပါးတဲ့ နယ်ကျေးရွာ ရေးချောင်းဖျား မြောက်ပိုင်း တောင်ပိုင်းဘက်က ရွာပေါင်း ၁၀ ရွာလောက် ရှိနေတာပါ။

စစ်တပ်အာဏာသိမ်းပြီး တနှစ်ကျော်ကာလအတွင်းမှာ ကုန်စျေးနှုန်းတွေ စံချိန်တင် ဈေးကြီးလာတာကြောင့် အလုပ်ကိုင်ရှားပါးလာခဲ့သလို ခိုးဆိုးလုယက်မှုတွေမှာ တနေ့တခြား မွန်ပြည်နယ်အတွင်းမှာ စတင်ဖြစ်ပွားလာနေပြီး လူသေဆုံးမှုပါ ရှိလာနေပါတယ်။

အာဏာသိမ်း စစ်ခေါင်းဆောင်ကတော့ လာမယ့် ၆ လအတွင်း စီးပွားရေးဦးမော့လာအောင် လုပ်ဆောင်သွားမယ်လို့ ပြောဆိုထားပေမယ့် စီးပွားရေးသုတေသီတွေကတော့ မအောင်မြင်နိုင်ဘူးလို့ သုံးသပ်ထားပါတယ်။