ဩစတြေးလျ ဝန်ကြီးချုပ် စကော့မောရစ်ဆင်က အိန္ဒိယဝန်ကြီးချုပ် နရင်ဒြာမိုဒီနဲ့ မတ် ၂၁ရက်က ထိပ်သီးညီလာခံအတွင်း တွေ့ဆုံခဲ့ပါတယ်။
အင်ဒိုပစိဖိတ်ဒေသအတွင်းမှာ ဥရောပ စစ်ပွဲမျိုး ဖြစ်စဉ်တွေ ဘယ်တော့မှ ဖြစ်မလာသင့်ဘူးလို့ မောရစ်ဆင်က ပြောလိုက်ပါတယ်။
ဥရောပမှာ ဆိုးရွားတဲ့ အခြေအနေကြောင့် ကျနော်တို့ အန္တရာယ် ကျရောက်နေချိန်မှာ အင်ဒိုပစိဖိတ်ဒေသအတွင်း ဖြစ်ပျက်နေတာတွေနဲ့ အင်ဒိုပစိဖိတ်ဒေသအတွင်း ဥရောပက ဖြစ်စဉ်မျိုး ဘယ်တော့မှ ပေါ်မလာနိုင်တာ သေချာစေဖို့ သေချာပေါက် အမြဲအာရုံစိုက်ထားတယ်လို့ မောရစ်ဆင်က ပြောပါတယ်။
မိုဒီကလည်း အိန္ဒိယကနေ တရားမဝင် ထုတ်ယူသွားတဲ့ အနုပညာလက်ရာတွေကို ပြန်ပေးတဲ့အတွက် မောရစ်ဆင်ကို ကျေးဇူးတင်ကြောင်း ပြောပါတယ်။
အိန္ဒိယ၊ အမေရိကန်၊ ဂျပန်နဲ့ ဩစတြေးလျ တို့ဟာ ကွက်ဒ်အဖွဲ့ဝင် နိုင်ငံတွေပါ။
အင်ဒိုပစိဖိတ် ဒေသအတွင်း နိုင်ငံရေး စီးပွားရေးနဲ့ စစ်ရေးလှုပ်ရှားမှု တိုးလာတဲ့ တရုတ်ရဲ့ လုပ်ရပ်တွေကို ကာကွယ်ဖို့ ကွက်ဒ်အဖွဲ့ကို အမေရိကန် အားပေးထောက်ကူထားပါတယ်။
