close

ခရီးသည်တင်ကားမှောက်

close

November 28, 2021

ရန်ကုန် - ကျုံမငေး ခရီးသည်တင်ကားမှောက်ပြီး ၁၀ ဦး ဒဏ်ရာရ

ဧရာဝတီတိုင်း၊ ဝါးခယ်မမြို့နယ်၊ တုံလှဲချောင်းကျေးရွာအနီး နိုဝင်ဘာ ၂၈ ရက် ဒီမနက်ပိုင်းက ခရီးသည်တင်ကားတစီး တိမ်းမှောက်ခဲ့တာကြောင့်  ၁၀  ယောက်လောက် ဒဏ်ရာရရှိခဲ့ပါတယ်။

ရန်ကုန် - ကျုံမငေးပြေးဆွဲတဲ့ ခရီးသည်တင်ကားတိမ်းမှောက်တာကြောင့်  အမျိုးသား ၃ ယောက်နဲ့ အမျိုးသမီး ၇ ယောက် ထိခိုက်ဒဏ်ရာရခဲ့တယ်လို့ ဒေသခံက ပြောပါတယ်။

"အခြေအနေကတော်တော်ဆိုးတယ်လို့ ပြောရမယ်။ အမျိုးသား တယောက်တော့ ခြေတဖက်ပြတ်သွားတယ်။ သူကအဆိုးဆုံးပေါ့။ ကျန်တဲ့သူတွေလည်း ထိပေမဲ့ သူ့ လောက်မဆိုးဘူး ခုတော့ ဆေးရုံခေါ်သွားပြီ''လို့ ဒေသခံတဉီးက ပြောပါတယ်။

ဒဏ်ရာရရှိတဲ့သူတွေကို ဝါးခယ်မဆေးရုံကိုပို့ဆောင်ထားပြီး ရဲနဲ့ မီးသတ်တွေရောက်လာကာ  ဒေသခံတွေနဲ့ ပူးပေါင်းပြီး တိမ်းမှောက်သွားတဲ့ကားကို ပြန်ဆွဲတင်ခဲ့ပါတယ်။

အဆိုပါ ယာဥ်တိမ်းမှောက်မှုနဲ့ပတ်သက်ပြီး ကားမောင်းသူကို ရဲစခန်းမှာ အမှုဖွင့်အရေးယူဖို့ စီစဥ်နေတယ်လို့ သိရပါတယ်။

ဓာတ်ပုံ - CJ

2 mins Ago
Up