လာမယ့်ရာသီမှာ ဥရောပချန်ပီယံလိဂ်ဝင်ခွင့်ရရှိချင်ပြီး မန်ယူအသင်းနဲ့ ထိုက်တန်တဲ့နေရာလည်း ဖြစ်ကြောင်း ကွင်းလယ်လူ ဘရူနိုဖာနန်ဒက်စ်က ပြောသွားပါတယ်။

မန်ယူအသင်းဟာ လက်ကျန် သုံးပွဲအလိုမှာ အဆင့်လေးနေရာမှာရပ်တည်နေဆဲဖြစ်ပေမဲ့ ပွဲစဉ်သုံးပွဲစလုံး အနိုင်ရအောင် ကစားနိုင်မှသာ ချန်ပီယံလိဂ်ဝင်ခွင့်သေချာမှာပါ။

အသင်းသားတွေအားလုံးက ချန်ပီယံလိဂ်ဝင်ခွင့်ရဖို့ ဆန္ဒရှိကြသလို မန်ယူနိုက်တက်အသင်းဟာလည်း ဝင်ခွင့်ရရှိဖို့ ထိုက်တန်တဲ့အသင်းဖြစ်ကြောင်း၊ ကစားသမား တွေရဲ့ အဆင့်အတန်းဟာလည်း ချန်ပီယံလိဂ်ကစားခွင့်ရဖို့ ထိုက်တန်ကြောင်း ဖာနန်ဒက်စ်ကပြောပါတယ်။

လက်ရှိအခြေအနေရ ယူနိုက်တက်အသင်းအနေနဲ့ ထိပ်ဆုံးလေးသင်း စာရင်းဝင်နိုင်ဖို့ ကြိုးပမ်းနေရဆဲဖြစ်ပေမဲ့ အနာဂတ်မှာတော့ ခုထက်ပိုမိုကြီးမားတဲ့ အောင်မြင်မှုတွေအတွက် တိုက်ပွဲဝင် ကြိုးပမ်းသွားကြရမှာဖြစ်ကြောင်းလည်း ဖာနန်ဒက်စ်ကပြောသွားပါတယ်။

လီဗာပူးအသင်းအနေနဲ့ လာမယ့်နှစ်ဥရောပချန်ပီယံလိဂ်ဝင်ခွင့်အတွက် မစဉ်းစားနိုင်သေးကြောင်း နည်းပြ ယာဂန်ကလော့ပ်က ပြောပါတယ်။

လီဗာပူးအသင်းဟာ ရလဒ်ဆိုးရွားမှုတွေကြောင့် ရမှတ်တွေဆုံးရှုံးခဲ့ရပေမဲ့ နောက်ဆုံး ၄ ပွဲဆက်တိုက် ရှုံးပွဲမရှိကစားနိုင်ခဲ့ပြီး အမှတ်ပေးဇယားအဆင့် ၇ မှာရပ် တည်နေတာပါ။

အဆင့်လေးနေရာက မန်ယူအသင်းထက်တစ်ပွဲပိုအခြေအနေမှာ ၉ မှတ်ကွာဟနေဆဲဖြစ်ပြီး လက်ရှိအချိန်မှာ ထိပ်ဆုံးလေးသင်းစာရင်းဝင်ဖို့ မစဉ်းစားနိုင်သေးကြောင်း နည်းပြ ကလော့ပ်ကပြောခဲ့တာပါ။

အဆင့် လေးအတွင်းဝင်ပြီး ချန်ပီယံလိဂ်ဝင်ခွင့်ရမရက လာမယ့်ရက် သတ္တပတ်တွေအတွင်းမှာ စောင့်ကြည့်ရမှာ ဖြစ်ပြီး လက်ရှိအခြေအနေအရတော့ ကိုယ့်ကံကြမ္မာကို ကိုယ်တိုင်ဖန်တီးလို့မရဘဲ တစ်ပွဲချင်းစီသာ အာရုံစိုက်ကစားသွားဖို့လိုတယ်လို့ နည်းပြကလော့ပ်က ပြောပါတယ်။

လီဗာပူးအသင်းဟာလက်ကျန် ၇ ပွဲမှာ ဝက်စ်ဟမ်း၊ စပါး၊ ဖူဟမ်၊ ဘရန့်ဖို့ဒ်၊ လက်စတာ၊ ဗီလာ၊ ဆောက်သမ်တန်အသင်းတွေနဲ့ ဆက်တိုက်ကစားသွားရမှာဖြစ်ပါတယ်။