ရုရှားနိုင်ငံသား UFC ရွှေခါးပတ်ချန်ပီယံ ခါဘစ်ဟာ မန်ယူနဲ့ အဲဗာတန်ပွဲကို လာရောက်ကြည့်ရှုအားပေးခဲ့ပြီး ဖာဂူဆန်နဲ့လည်း စကားပြောခဲ့တယ်လို့ သိရပါတယ်။
ခါဘစ်ဟာ စီရော်နယ်ဒိုနဲ့ ရင်းနှီးတဲ့ ဆက်ဆံရေးရှိပြီး မန်ယူနိုက်တက်အသင်းကို အားပေးရင်း နည်းပြဟောင်းဖာဂူဆန်နဲ့ စကားလက်ဆုံကျခဲ့တာပါ။
ခါဘစ်အပြင် အပြေးချန်ပီယံ အူစိန်ဘော့ဟာလည်း ပတ်ထရစ် အီဗရာနဲ့အတူ အားပေးခဲ့ကြတာပါ။ ခါဘစ်ဟာ ဖာဂူဆန်နဲ့ တွေ့ဆုံချိန်မှာ ဝိုင်သောက်ခိုင်းခဲ့ပေမယ့် မွတ်စလင်တစ်ဦး ဖြစ်တာကြောင့် သောက်ဖို့ ငြင်းဆိုခဲ့တယ်လို့သိရပါတယ်။
ဆက်လက်ပြီး ဝိုင်သောက်လိုက်မယ်ဆိုရင် အားလုံးကို ရိုက်ခွဲပစ်နိုင်တာကြောင့် မသောက်တာက ကောင်းမွန်တဲ့စိတ်ကူးဖြစ်တယ်လို့ ဖာဂူဆန်ကို အရွှန်းဖောက်ပြီး ပြောခဲ့ကြောင်း ခါဘစ်က RT မီဒီယာကို ပြန်လည်ပြောပြခဲ့တာပါ။
ဖာဂူဆန်ကတော့ အဲဒီလိုဆိုရင်လည်း မသောက်ပါနဲ့လို့ ပြန်လည်အရွှန်းဖောက်ခဲ့ကြောင်း ခါဘစ်က ပြောပါတယ်။ ခါဘစ်က ကျောနံပါတ် ၇ ဂျာစီကိုင်ပြီး အိုးထရတ်ဖို့ဒ်ပွဲကြည့်စင်ပေါ်မှာ ဓာတ်ပုံရိုက်ခဲ့ပါသေးတယ်။
