ချီလီနိုင်ငံရဲ့ ကမ်းရိုးတန်း ခရီးသွားမြို့တော် ဗီနာဒလ်မားအနီးမှာ ဒီဇင်ဘာ ၂၂ ရက်က တောမီး လောင်မှုခဲ့တာကြောင့် အနည်းဆုံး လူတယောက် သေဆုံးပြီး အိမ်ခြေ ၁၃၀ လောက် ပျက်စီးသွားခဲ့ကြောင်း ချီလီတာဝန်ရှိသူတွေက ဒီဇင်ဘာ ၂၃ ရက်မှာ ပြောပါတယ်။
အခုချိန်အထိ မီးဟာ ၃၀၈ ဧက (၁၂၅ ဟက်တာ) ထိ လောင်ကျွမ်းနေပြီး မီးသတ်သမားတွေက မီးကိုထိန်းနိုင်ဖို့ ရုန်းကန်နေရတယ်လို့ ချီလီပြည်ထဲရေးဝန်ကြီး မာနွဲလ် မွန်ဆာလ်ဗေ က ပြောပါတယ်။
ချီလီအစိုးရဟာ ဒီဇင်ဘာ ၂၂ ရက်ညပိုင်းက ဗီနာဒလ်မာ ဧရိယာမှာ အရေးပေါ်အခြေအနေ ကြေညာခဲ့ပါတယ်။ တောမီးဟာ တောအုပ်အတွင်းကနေ စတင်ခဲ့ပေမယ့် လူနေထူထပ်တဲ့ နေရာတွေဆီ ခပ်မြန်မြန်ပဲ ကူးစက် လောင်ကျွမ်းခဲ့တာပါ။ သစ်တောထဲက နေရာ ၃ ခုမှာ လောင်ကျွမ်းနေတုန်းပဲလို့ တာဝန်ရှိသူတွေက ဒီဇင်ဘာ ၂၃ ရက် မနက်ခင်းမှာ ပြောပါတယ်။
ဩစတြေးလျ နွေရာသီအစမှာ မှတ်တမ်းတင်ထားတဲ့ အပူချိန်မြင့်မားမှုနဲ့ လေပြင်း တိုက်ခတ်မှုကြောင့် တောမီးလောင်ကျွမ်းမှုက ခပ်မြန်မြန်ပဲ ပျံ့နှံ့ လောင်ကျွမ်းသွားခဲ့တာ ဖြစ်ပါတယ်။
