close

ချီးကျူးခံထိုက်သူ

close

September 25, 2022

တိုက်စစ်မှူးဟာလန်း ချီးကျူးခံထိုက်သူဖြစ်ဟု ဟာရီကိန်းပြော

မန်စီးတီးတိုက်စစ်မှူးဟာလန်းဟာ လူတွေရဲ့ချီးကျူးပြောဆိုမှုတွေနဲ့ ထိုက်တန်ကြောင်း စပါးတိုက် စစ်မှူး ဟာရီကိန်းကပြောပါတယ်။

နော်ဝေတိုက်စစ်မှူးဟာ အခုနှစ်ရာသီကမှ ဒေါ့မွန်ကနေ ပြောင်းရွှေ့လာခဲ့တာဖြစ်ပေမယ့် လိဂ်အသစ်မှာခြေစွမ်းပြနေတာပါ။

ပရီးမီးယားလိဂ် ၇ ပွဲမှာပဲ ၁၁ ဂိုး သွင်းယူထားပြီး ဂိုသွင်းအများဆုံးဆုအတွက် ထိပ်ဆုံးကနေရေပန်းစားနေပါတယ်။

ဟာလန်းဟာ ခြေစွမ်းပြဂိုးတွေ သွင်းယူနေတာကြောင့် လူတွေရဲ့ ချီးကျူးပြောဆိုမှုခံရတာဖြစ်ကြောင်း၊ ဒါပေမဲ့ တခြားကစားသမားတွေအပေါ် အာရုံသိပ်မထားတတ်ဘဲ  ကိုယ့်ရဲ့ခြေစွမ်းအကောင်းဆုံးဖြစ်ဖို့ပဲ ပစ်မှတ်ထားကြောင်း ဟာရီကိန်းကပြောပါတယ်။

စပါးအသင်းဟာလည်း ခြေစွမ်းအကောင်းဆုံးမဟုတ်သေးပေမဲ့ အကောင်းဆုံးစတင်နိုင်ခဲ့ပြီး တိုးတက်မှုတွေ ရှိလာဦးမှာဖြစ်ကြောင်း၊ ပရီးမီးယားလိဂ်သမိုင်းမှာ စပါးအသင်းအတွက် အကောင်းဆုံးစတင်နိုင်မှုဖြစ်ကြောင်း ဟာရီကိန်းကဆက်လက်ပြောပါတယ်။ 

58 seconds Ago
Up