ရီးရဲလ်မက်ဒရစ်အသင်းဟာ မိုနာကိုအသင်းရဲ့ ပြင်သစ်လက်ရွေးစင် ကွင်းလယ်လူ ချူယာမန်နီကို ယူရိုသန်း ၁၀၀ နဲ့ ခေါ်ယူဖို့ သဘောတူညီမှုရခဲ့ပြီဖြစ်ကြောင်း ဥရောပမီဒီယာတွေက ဖော်ပြခဲ့ကြပါတယ်။
ဒါကြောင့် လာမယ့်ရက်အနည်းငယ်အတွင်း အပြောင်းအရွှေ့ အပြီးသတ်ဖွယ်ရှိတယ်လို့ သိရပါတယ်။
အသက် ၂၂ နှစ်အရွယ် ချူယာမန်နီကို ခေါ်ယူဖို့ ရီးရဲလ်မက်ဒရစ်အသင်းက အစောပိုင်းကတည်းက ကြိုးပမ်းခဲ့ပြီး ပီအက်စ်ဂျီတိုက်စစ်မှူး ဘာပေကို လက်လွှတ်ခဲ့ရပြီးနောက် ချူယာမန်နီကို အမြန်ဆုံး လက်ဦးမှုရယူဖို့ စီစဉ်ခဲ့တာ ဖြစ်ပါတယ်။
ပြင်သစ်လက်ရွေးစင်အသင်းအတွက် နိုင်ငံတကာပွဲ ၈ ပွဲ ကစားပေးထားသူ ချူယာမန်နီဟာ မိုနာကိုအသင်းအတွက် ပြီးခဲ့တဲ့ရာသီက ပြိုင်ပွဲစုံ ပွဲ ၅၀ ကစားရာမှာ ၅ ဂိုးသွင်းယူကာ အသင်းရဲ့ အဓိကအကျဆုံး ကစားသမားအဖြစ် ခြေစွမ်းပြနိုင်ခဲ့သူ ဖြစ်ပါတယ်။
