ချဲလ်ဆီးအသင်းမှာ ကွင်းလယ်လူတွေ ဒဏ်ရာနဲ့ ကြံ့ခိုင်မှုမပြည့်ဝသေးတဲ့ ပြဿနာကြောင့် ဒုက္ခ တွေ့နေရပြီလို့ နည်းပြတူချယ်က ပြောပါတယ်။
ချဲလ်ဆီးကွင်းလယ်မှာ ယော်ဂင်ညိုနဲ့ လော့ဖ်တပ်ချိခ်တို့ နှစ်ဦးဟာ အဲဗာတန်နဲ့ပွဲစဉ်မှာ ပွဲထွက်ကစားခဲ့ပေမယ့် ဒဏ်ရာရရှိခဲ့ပါတယ်။
ဒဏ်ရာကနေ ပြန်လည်သက်သာလာတဲ့ ကိုဗာချစ်နဲ့ ကန်တေတို့ဟာလည်း လေ့ကျင့်ခန်းအနည်း ငယ်သာပြုလုပ်ရသေးပြီး ကြံ့ခိုင်မှုပြည့်ဝဖို့ ရုန်းကန်နေရပါတယ်။
ဒီဇင်ဘာ ၁၉ ရက်နေ့ ကစားမယ့် ဝုဗ်အသင်းနဲ့အဝေးကွင်းပွဲစဉ်မှာ ကွင်းလယ်လူ ၄ ဦးစလုံး ကြံ့ခိုင်မှုမပြည့်ဝသေးတာကြောင့် အခက်အခဲဖြစ်နေတယ်လို့ တူချယ်က ဝန်ခံသွားပါတယ်။
“ယော်ဂင်ညိုကော၊ လော့ဖ်တပ်ချိခ်တို့ နှစ်ဦးစလုံးရဲ့ ဒဏ်ရာက နာကျင်မှုခံစားနေတုန်းပါပဲ။ ကိုဗာချစ်ကတော့ လေ့ကျင့်ခန်းပြန်ဆင်းနေပြီ။ အခြေအနေက ယော်ဂင်ညိုရဲ့ ပုခုံးပေါ် ကျရောက် နေပြီး ကျနော်တို့အနေနဲ့ အတင်းအကျပ်ေစားစေတာမျိုး ရှိကောင်းရှိနိုင်တယ်” လို့ တူချယ်က ပြောပါတယ်။
ချဲလ်ဆီးကွင်းလယ်မှာ ဆာအူးလ်နီဂွက်ဇ်တစ်ဦးသာ ကြံ့ခိုင်မှုကောင်းမွန်နေပြီး တိုက်စစ်ပိုင်းမှာ ခိုင်ဟာဗက်ဇ်ကတော့ ပြန်လည်ကစားနိုင်ပြီဖြစ်ပေမယ့် လူကာကူ၊ ဝါနာနဲ့ အိုဒွိုင်းတို့ဆက်ပြီးလွဲ ချော်မှာဖြစ်ပါတယ်။
