close

ဂိုးပေါက်ပျောက်

close

December 31, 2022

ဂိုးပေါက်ပျောက်နေတဲ့ ဂျက်ဂရေးလစ်ရှ်အပေါ် နည်းပြဂွါဒီယိုလာ အပြစ်မမြင်


ဂိုးပေါက်ပျောက်ဆုံးနေတဲ့ တောင်ပံတိုက်စစ်ကစားသမား ဂရေးလစ်ရှ်အနေနဲ့ ဂိုးတွေသွင်းပြဖို့ မလိုအပ်ကြောင်းမန်စီးတီးနည်းပြဂွါဒီယိုလာကပြောပါတယ်။

ဂရေးလစ်ရှ်ဟာ ဗီလာကနေ ပေါင်သန်း ၁၀၀ နဲ့ ပြောင်းရွှေ့လာပြီးနောက် ပရီးမီးယားလိဂ် ၅၆ ပွဲမှာ ၇ ဂိုးပဲရရှိခဲ့တာပါ။ နောက်ဆုံး ၁၁ ပွဲ ဆက်တိုက်ဂိုးပေါက်ပျောက်ဆုံးနေပြီး ဂိုးသွင်းခွင့်တွေ ဖြန်းတီးခဲ့တဲ့အပေါ် နည်းပြဂွါဒီယိုလာက အပြစ်မမြင်ကြောင်း ကာကွယ်ပြောခဲ့တာပါ။

အသင်းကိုစတင်ရောက်လာတဲ့အချိန်ကတည်းက ဂရေးလစ်ရှ်ဟာ စွမ်းဆောင်ရည် အပေါ်ကျေနပ်မှုရှိကြောင်း၊ သူ့အပေါ်အမြင်ပြောင်းလဲဖို့ ဂိုးတွေသွင်းပြစရာ မလိုအပ်ကြောင်း နည်းပြဂွါဒီယိုလာက ပြောပါတယ်။

ဂရေးလစ်ရှ်ဟာ ဂိုးတွေသိပ်မသွင်းနိုင်ပေမဲ့ အသင်းအပေါ်အကျိုးပြုပြီး ဘောလုံးဆုံးရှုံးသွားခဲ့ရင်တောင် အသင်းရဲ့ကစားကွက်အရဖြစ်ကြောင်း နည်းပြဂွါဒီယိုလာက ပြောသွားခဲ့ပါတယ်။ 

13 mins Ago

September 18, 2022

ဂိုးပေါက်ပျောက်မှုကို ဟတ်ထရစ်သွင်းပြီး အဆုံးသတ်နိုင်ခဲ့သဖြင့် ကျေနပ်ကြောင်း ဆွန်ဟောင်မင် ပြော

စပါးအသင်းအတွက် ဂိုးပေါက်ပျောက်ဆုံးနေမှုကို ဟတ်ထရစ်သုံးဂိုးသွင်းပြီး အဆုံးသတ်နိုင်ခဲ့တဲ့အပေါ် ကျေနပ်ပျော်ရွှင်မိကြောင်း ဆွန်ဟောင်မင်ကပြောပါတယ်။

မနှစ်က ရွှေဖိနပ်ဆုရရှိခဲ့တဲ့ ဆွန်ဟာ ၈ ပွဲဆက်တိုက် ဂိုးပေါက်ပျောက်ဆုံးခဲ့လို့ လက်စတာနဲ့ပွဲမှာ အရန်ခုံထိုင်ခဲ့ရပေမယ့် လူစားဝင်ကစားခဲ့ပြီး ဟတ်ထရစ်သုံးဂိုးသွင်းယူနိုင်ခဲ့တာပါ။

အသင်းရဲ့ရလဒ်ကောင်းမွန်ခဲ့ပေမယ့် တစ်ဦးချင်းခြေစွမ်းကောင်းမွန်ခြင်းမရှိခဲ့တဲ့အပေါ် စိတ်ပျက်ခဲ့တာမှန်ကန်ကြောင်း၊ အဲဒီလိုစိတ်ပျက်မှုတွေကို သုံးဂိုးသွင်းပြီးချေဖျက်နိုင်ခဲ့ပြီဖြစ်ကြောင်း လက်စတာနဲ့ပွဲအပြီးမှာ ဆွန်ဟောင်မင်ကပြောပါတယ်။

ဆွန်ဟောင်မင်ဟာ ဟတ်ထရစ်သုံးဂိုးကို ၁၄ မိနစ်အတွင်းသွင်းယူနိုင်ခဲ့တာဖြစ်ပြီး ပထမသွင်းဂိုး အပြီးမှာ အရန်ခုံထိုင်ခဲ့ရတာကို ကျေနပ်မှုမရှိတဲ့ဟန်နဲ့ အောင်ပွဲခံခြင်းမရှိခဲ့ပါဘူး။

စပါးပရိသတ်တွေကတော့ အရန်ခုံထိုင်ခဲ့ရပြီးနောက်မှာ ပွဲထွက်ခွင့်ထိုက်တန်ကြောင်း သွင်းဂိုးတွေနဲ့ သက်သေ ပြခဲ့တာဖြစ်ကြောင်း ဆွန်ဟောင်မင်ကိုချီးကျူးခဲ့ကြပါတယ်။ 

3 months Ago
Up