မြို့ခံပြိုင်ဘက်စပါးအသင်းက ရစ်ချာလီဆန်နဲ့ ပရီးမီးယားလိဂ်ရွှေဖိနပ်ဆုအတွက် အပြိုင်လုချင်ကြောင်း အာဆင်နယ်တိုက်စစ်မှူး ဂျေဆူကပြောပါတယ်။
ဂျေဆူနဲ့ ရစ်ချာလီဆန်တို့ဟာ ဘရာဇီးလက်ရွေးစင်အသင်းဖော်တွေဖြစ်ပေမယ့် ကလပ်အသင်းမှာတော့ ပြိုင်ဆိုင်မှုပြင်းထန်တဲ့ အာဆင်နယ်နဲ့ စပါးအသင်းတွေဆီ ပြောင်းရွှေ့ကစားနေကြတာပါ။
ဂျေဆူဟာ အာဆင်နယ်နဲ့အတူ အမေရိကန်နိုင်ငံမှာ ရာသီကြို ခြေစမ်းပွဲတွေကစားနေပြီး နိုင်ငံအသင်းဖော် ရစ်ချာလီဆန်နဲ့ ပတ်သက်ပြီး သုံးသပ်မှုပြုလုပ်ခဲ့တာပါ။
“သူ့ရဲ့ခြေစွမ်းကို ကြိုက်နှစ်သက်တဲ့အတွက် ကျနော်တို့ နှစ်ယောက်စလုံးဟာ ရာသီကုန်ဆုံးချိန်အထိ ဂိုးသွင်းရွှေဖိနပ်ဆုအတွက် ယှဉ်ပြိုင်နိုင်ဖို့ မျှော်လင့်ပါတယ်။ သူက ကောင်းမွန်တဲ့ ကောင်လေးတစ်ယောက်ပါ။ အံ့အားသင့်စရာလည်းကောင်းတယ်။ ကျနော်တို့အသင်းနဲ့ပွဲကလွဲရင် အကောင်းဆုံးတွေဖြစ်ပါစေလို့ ဆုတောင်ပေးပါတယ်” လို့ ဂျေဆူကပြောပါတယ်။
ဂါဘရီယယ်ဂျေဆူဟာ အာဆင်နယ်နဲ့ရာသီကြိုခြေစမ်းပွဲတွေမှာ ခြေစွမ်းပြနေပြီး ကိုယ်တိုင်လည်း ၃ ဂိုး သွင်းယူထားပါတယ်။
