ဂူဂဲလ်ရဲ့ မိခင်ကုမ္ပဏီ အယ်လ်ဖာဘက်ဟာ အောက်တိုဘာ ၂၅ ရက်မှာ သူ့စီးပွားရေး ရလဒ်တွေကို အစီရင်ခံချိန်မှာ သုံးလပတ်ဝင်ငွေ တိုးလာမယ်လို့ မျှော်လင့်ထားပါတယ်။

ကယ်လီဖိုးနီးယားအခြေစိုက် ဂူဂဲလ်ကုမ္ပဏီဟာ လွန်ခဲ့တဲ့တနှစ်အတွင်း ဒေါ်လာ ၆၅ ဒသမ ၁၂ ဘီလီယံကနေ ဒေါ်လာ ၇၀ ဒသမ ၆၀၄ ဘီလီယံအထိ ဝင်ငွေ ၈ ဒသမ ၄ ရာခိုင်နှုန်း တိုးလာဖို့ ခန့်မှန်းထားတယ်လို့ Refinitiv စျေးကွက်ဒေတာကို အခြေခံပြီး လေ့လာသူ ၃၁ ဦးရဲ့ ပျမ်းမျှခန့်မှန်းချက်က ဆိုပါတယ်။

အယ်လ်ဖာဘက် နိုင်ငံတကာ ကော်ပိုရေးရှင်းအတွက် Refinitiv ရဲ့ ပျမ်းမျှ ခွဲခြမ်းစိတ်ဖြာသူ ခန့်မှန်းချက်အရ ရှယ်ယာတခုကို ၁ ဒသမ ၂၆ ဒေါ်လာ ရရှိမှာပါ။

လေ့လာသူတွေရဲ့ ပျမ်းမျှဝင်ငွေခန့်မှန်းချက်က ပြီးခဲ့တဲ့သုံးလအတွင်း ၀ ဒသမ ၅ ရာခိုင်နှုန်းလောက် ကျဆင်းသွားပါတယ်။

အယ်လ်ဖာဘက်အတွက် ဝေါလ်စထရိ စတော့ရှယ်ယာစျေးကွက်ရဲ့ ပျမ်းမျှ ၁၂ လ စျေးနှုန်းပစ်မှတ်ဟာ သူ့ရဲ့ နောက်ဆုံးအပိတ်စျေးနှုန်း ၉၉ ဒသမ ၉၇ ဒေါ်လာအထက်မှာ ရှိနေပါတယ်။

တောင်ကိုရီးယားနိုင်ငံဟာ အမေရိကန်ရဲ့ နိုင်ငံစုံ နည်းပညာလုပ်ငန်းစုကြီးတခုဖြစ်တဲ့ ဂူဂဲလ်ရဲ့ အယ်လ်ဖာဘတ်ကော်ပိုရေးရှင်းနဲ့  ဖေ့စ်ဘွတ်ခ်ရဲ့ မက်ထာ (Meta) ကုမ္ပဏီတွေကို ပုဂ္ဂိုလ်ရေးဆိုင်ရာဥပဒေကို ချိုးဖောက်မှုအတွက် ဒဏ်ငွေဒေါ်လာသန်းပေါင်းများစွာ စည်းကြပ်ခဲ့တယ်လို့ အာဏာပိုင်တွေက စက်တင်ဘာ ၁၄ ရက်မှာ ပြောပါတယ်။

ကြေညာချက်တခုမှာတော့ ဂူဂဲလ်ကို ဒေါ်လာ သန်း ၅၀ နဲ့ မက်ထာကို ဒေါ်လာ ၂၂ သန်း ဒဏ်ရိုက်ထားကြောင်း ပုဂ္ဂိုလ်ရေးဆိုင်ရာ အချက်အလက်များ ကာကွယ်ရေးကော်မရှင်က ပြောပါတယ်။

အသုံးပြုသူတွေရဲ့ ခွင့်ပြုချက်မရှိဘဲ ကိုယ်ရေးကိုယ်တာ အချက်အလက်တွေကို စုဆောင်းအသုံးပြုတဲ့အတွက် ဒဏ်ရိုက်ခဲ့တာဖြစ်ကြောင်း ပုဂ္ဂိုလ်ရေးဆိုင်ရာအချက်အလက်များ ကာကွယ်ရေးကော်မရှင်ရဲ့ စုံစမ်းစစ်ဆေးရေးနဲ့ ညှိနှိုင်းရေးဗျူရိုရဲ့ ဒါရိုက်တာ ယန်ချုံးဆမ်က ပြောပါတယ်။

မက်ထာရဲ့ ပြောရေးဆိုခွင့်ရှိသူ တယောက်ကတော့ “ကော်မရှင်ရဲ့ ဆုံးဖြတ်ချက်ကို လေးစားကြောင်း၊ သူတို့ဟာ ဒေသဆိုင်ရာ စည်းမျဉ်းတွေ လိုအပ်နေတဲ့ လုပ်ငန်းစဉ်တွေကို ပြည့်မီစေမယ့် တရားဝင် လိုက်လျောညီထွေဖြစ်တဲ့ နည်းလမ်းအရ ကျနော်တို့ရဲ့ ဖောက်သည်တွေနဲ့ လုပ်ဆောင်သွားဖို့ ယုံကြည်ချက်ရှိကြောင်း” ပြောပါတယ်။

ဒါကြောင့် ကော်မရှင်ရဲ့ ဆုံးဖြတ်ချက်ကို သဘောမတူကြောင်းနဲ့ တရားရုံးကနေ စီရင်ချက်ချဖို့ အပါအဝင် ရွေးချယ်ခွင့်အားလုံးကို ပွင့်ပွင့်လင်းလင်း ချပြသွားမှာပါလို့ ဆိုပါတယ်။ ဂူဂဲလ်ကတော့ ချက်ချင်း ဘာမှတ်ချက်မှ မပေးပါဘူး။

ဂူဂဲလ်နဲ့ မက်ထာတို့ဟာ သုံးစွဲသူတွေရဲ့ တခြားကုမ္ပဏီတွေဆိုင်ရာ အပြုအမူပိုင်း အချက်အလက်တွေကို စုဆောင်း ခွဲခြမ်းစိတ်ဖြာခြင်းဖြင့် ဥပဒေကို ချိုးဖောက်ခဲ့ပြီး သုံးစွဲသူတွေကို ရှင်းရှင်းလင်းလင်း အသိပေးခြင်းမရှိဘဲ သူတို့တွေရဲ့ အကျိုးစီးပွားအတွက် ကောက်ချက်ချဖို့ သို့မဟုတ် စိတ်ကြိုက်ကြော်ငြာတွေအတွက် သုံးစွဲဖို့ အဲဒီအချက်အလက်တွေကို အသုံးပြုခဲ့တာဖြစ်ကြောင်း ပုဂ္ဂိုလ်ရေးဆိုင်ရာ အချက်အလက်များ ကာကွယ်ရေးကော်မရှင်က ပြောသွားပါတယ်။