အသင်းပြောင်းရွှေ့လိုနေတဲ့ အဲဗာတန်တိုက်စစ်ကစားသမား ဂေါ်ဒွန်ဟာ အသင်းဆီပြန် လာမှာမဟုတ်တော့ကြောင်း အသင်းတာဝန်ရှိသူတွေကို ပြောကြားလိုက်ပါတယ်။
အသက် ၂၁ နှစ်ရှိ အင်္ဂလန်ယူ ၂၁ လက်ရွေးစင် အန်တိုနီဂေါ်ဒွန်ဟာ ခြေစွမ်းပြနေတဲ့ ကစားသမားတစ်ဦးဖြစ်ပေမဲ့ အသင်းက တန်းဆင်းဇုန်ထဲရောက်ချိန်မှာ ထွက်ခွါဖို့ပြင်ဆင်နေတာပါ။
ဂေါ်ဒွန်ကို နယူးကာဆယ်အသင်းက ပေါင်သန်း ၅၀ ဝန်းကျင်နဲ့ ကမ်းလှမ်းခဲ့ပေမဲ့ အဲဗာတန်အသင်းက လက်မခံသေးပါဘူး။
ဒါပေမဲ့ကစားသမားကိုယ်တိုင်က လေ့ကျင့်ရေး ၃ ရက် ပျက်ကွက်ခဲ့သလို ပြန်မလာတော့ဘူးလို့ သတင်းပို့ခဲ့တာကြောင့် နယူးကာဆယ်ရဲ့ကမ်းလှမ်းချက်ကို လက်ခံသွားရဖို့ ရှိပါတယ်။
အဲဗာတန်အကယ်ဒမီထွက်ကစားသမားဖြစ်သူ ဂေါ်ဒွန်ဟာ ၂၀၁၇ ခုနှစ်ကတည်းက အသင်းကြီးမှာ ပွဲထွက်ခွင့်ရခဲ့ပြီး စုစုပေါင်း ပွဲ ၈၀ လောက် ကစားထားပြီးဖြစ်ပါတယ်။
