လီဗာပူးတိုက်စစ်ကစားသမား မိုဟာမက်ဆာလက်ဟာ အတုယူစရာ စံပြကစားသမားဖြစ်တယ်လို့ ဝက်စ်ဟမ်းတိုက်စစ်ကစားသမား ဂျရော့ဘိုဝင်က ချီးကျူးပါတယ်။
အင်္ဂလန်တောင်ပံတိုက်စစ်မှူးဟာ ပရီးမီးယားလိဂ်မှာ ၃ ဂိုးသွင်း ၇ ကြိမ်ဂိုးဖန်တီးမှု ပြုလုပ်ခဲ့သလို ယူရိုပါလိဂ်နဲ့ အက်ဖ်အေဖလားပွဲစဉ်တွေမှာလည်း ခြေစွမ်းပြနေပါတယ်။
ဟူးလ်စီးတီးမှာတုန်းက လီဗာပူးအသင်းဆီပြောင်းရွှေ့ဖို့ နီးစပ်ခဲ့ဖူးတဲ့ ဘိုဝင်ဟာ ဆာလက်ကို အတုယူစရာ စံပြကစားသမားဖြစ်တယ်လို့ ချီးကျူးသွားခဲ့တာပါ။
ဆာလက်က ဂိုးသွင်းနိုင်သလို ဂိုးဖန်တီးမှုလည်းလုပ်နိုင်ပြီး ခြေစွမ်းကောင်းကိုလည်း နှစ်စဉ်ထိန်းထားနိုင်တာက ပြည့်စုံကောင်းမွန်တဲ့ စံပြကစားသမားဖြစ်စေတယ်လို့ ဘိုဝင်က ပြောပါတယ်။
“ဆာလက်က လက်ရှိအချိန်မှာ ကမ္ဘာ့အကောင်းဆုံးကစားသမားတစ်ဦးဖြစ်ပြီး သူ့ဆီကနေ လေ့လာသင်ယူရပါတယ်။ ကစားသမားတစ်ယောက်အနေနဲ့ ကိုယ်နဲ့နေရာချင်းတူညီတဲ့ ကစားသမားတွေဆီကနေ လေ့လာသင်ယူရတာက မဆန်းပါဘူး” လို့ ဘိုဝင်ကချီးကျူးခဲ့တာပါ။
ဆာလာဟာ ၂၀၁၇ ခုနှစ်က လီဗာပူးဆီ ပြောင်းရွှေ့လာပြီးနောက်ပိုင်း တစ်ရာသီကို ပရီးမီးယားလိဂ်သွင်းဂိုး ၁၁၁ ဂိုး သွင်းယူထားပါတယ်။
