မန်ယူအသင်းဟာ တိုက်စစ်မှူးသစ်တဦး ခေါ်ယူနိုင်ရေးကြိုးပမ်းနေရာမှာ  လက်စတာတိုက်စစ်မှူး ဗာဒီကို အံ့အားသင့်ဖွယ်ခေါ်ယူဖို့ပြင်ဆင်နေပါတယ်။

ကနဦးက ဘိုလော့ညာတိုက်စစ်မှူး အာနူတိုဗစ်နဲ့ သတင်းထွက်ခဲ့ပေမဲ့ ပရိသတ်တွေကလက်မခံခဲ့တာကြောင့် လက်လျှော့ခဲ့တာပါ။

လက်ရှိအချိန်မှာတော့ အသက် ၃၅ နှစ်ရှိပြီဖြစ်တဲ့ အင်္ဂလန်တိုက်စစ်မှူးဟောင်း ဗာဒီကိုခေါ်ယူဖို့ ပြောင်းလဲ စဉ်းစားလာကြောင်း Athletic သတင်းမှာဖော်ပြပါတယ်။

မန်ယူအသင်းဟာ အဖွင့်ပွဲစဉ် ၂ ပွဲမှာ သွင်းဂိုးတစ်ဂိုးသာရခဲ့ပြီး အဲဒီဂိုးဟာလည်း ပြိုင်ဘက်က ကိုယ့်ဂိုးကိုယ်သွင်းယူတဲ့ဂိုး ဖြစ်နေတာပါ။

တိုက်စစ်ပိုင်းအားနည်းချက်ကိုပြင်ဆင်ဖို့ နည်းပြတန်ဟတ်ဂ်ကဆုံးဖြတ်ထားပြီး တိုက်စစ်မှူးသစ် တစ်ဦးသေချာပေါက်ခေါ်ယူဖို့ရှိပါတယ်။

ဗာဒီဟာ လက်စတာကစားနေတာ ၁၀ နှစ်ကြာပြီဖြစ်ပြီး ပရီးမီးယားလိဂ်ချန်ပီယံဆုဖလားနဲ့ အက်ဖ်အေဆုဖလားတွေရယူပေးခဲ့သူပါ။