အမေရိကန် ကာကွယ်ရေးဝန်ကြီး လွိုက်ဒ် အော်စတင်ဟာ မတ် ၆ ရက်က သူ့ရဲ့ အရှေ့အလယ်ပိုင်း ခရီးစဉ်အတွင်း ဂျော်ဒန်နိုင်ငံ အမ်မမ်မြို့ကို ရောက်လာပါတယ်။

ဂျော်ဒန် လက်နက်ကိုင်တပ်များ ပူးတွဲသင်တန်းဌာနရှိ အမေရိကန်တပ်တွေဆီ သွားရောက်လည်ပတ်ခဲ့ပါတယ်။

လေ့ကျင့်ရေးစင်တာကို ၂၀၀၃ ခုနှစ်မှာ ဆောက်ခဲ့ပြီး ၂၀၁၈ ခုနှစ်မှာတော့ တိုးချဲ့တပ်ဆင်ပြီး စခန်းကို အဆင့်မြှင့်တင်ခဲ့ပါတယ်။

အော်စတင်ဟာ ဂျော်ဒန်၊ အစ္စရေးနဲ့ အီဂျစ်တို့ အပါအဝင် အရှေ့အလယ်ပိုင်း သုံးနိုင်ငံ အလည်အပတ်ခရီးစဉ်နဲ့ ဂျော်ဒန်ကို မတ် ၅ ရက်နေ့က ရောက်နေတာပါ။

အမေရိကန်အစိုးရက ရုရှားနဲ့ တရုတ်နိုင်ငံတို့ကို အာရုံစိုက်နေပေမဲ့ ဒေသတွင်း အမေရိကန်ရဲ့ ကတိကဝတ်တွေကို အဓိက မဟာမိတ်တွေဆီ အာမခံချက်ပေးဖို့ ရည်ရွယ်ထားတယ်လို့ တာဝန်ရှိသူတွေက ပြောပါတယ်။

အော်စတင်ဟာ စက်ရုံကို လည်ပတ်အပြီး ဂျော်ဒန်တပ်ဖွဲ့ဝင်တေနဲ့လည်း တွေ့ဆုံခဲ့ပါတယ်။ အော်စတင်ဟာ အနောက်ဘက်ကမ်းမှာ တင်းမာမှုတွေ လျှော့ချဖို့ အစ္စရေးခေါင်းဆောင်တွေကို ဖိအားပေးဖို့နဲ့ လူ့အခွင့်အရေးဆိုင်ရာ စိုးရိမ်မှုတွေကို ကိုင်တွယ်ချိန် အီဂျစ်ခေါင်းဆောင်တွေနဲ့ တွေ့ဆုံဆွေးနွေးမှုအတွင်း ဆက်ဆံရေးခိုင်မာစေရေး လုပ်ဆောင်နိုင်ဖို့ မျှော်လင့်ထားပါတယ်။

အရှေ့အလယ်ပိုင်းဒေသတွင်းမှာ အမေရိကန်တပ်ဖွဲ့ဝင် ၃၀,၀၀၀ လောက်ရှိပြီး အီရန်ရဲ့ သြဇာလွှမ်းမိုးမှုကို တန်ပြန်ကူညီရာမှာ အဓိကကျတယ်လို့ ရှုမြင်ထားပါတယ်။

ဂျော်ဒန်နိုင်ငံ မြို့တော်အမ်မန်မှာ အဆောက်အဦတလုံး ပြိုကျခဲ့လို့ ကယ်ဆယ်ရေးသမားတွေဟာ စက်တင်ဘာ ၁၄ ရက်က အပျက်အစီးတွေအောက်မှာ လူ ၁၀ ယောက်ကို ရှာဖွေနေကြပြီး အခုထိ လူ ၅ ယောက် သေဆုံးကြောင်း အတည်ပြုခဲ့တယ်လို့ တာဝန်ရှိသူတွေက ပြောကြားပါတယ်။

မြို့တော်အမ်မန်က ပျက်စီးယိုယွင်းနေတဲ့ လူနေအဆောက်အဦတခု အင်္ဂါနေ့ ပြိုကျခဲ့တုန်းက အဲဒီမှာ အနည်းဆုံး လူ ၂၅ ယောက်လောက် ရှိနေခဲ့ပါတယ်။

အပျက်အစီးတွေအောက်မှာ အနည်းဆုံး လူ ၁၀ ယောက်ရှိပြီး အသက်ရှင်တဲ့ လက္ခဏာတွေ တွေ့ရကြောင်း ဝဘ်ဒဲရ်ခရိုင်ရှိ ကယ်ဆယ်ရေးဆိုက်ကို လာရောက်တဲ့ အစိုးရ ပြောရေးဆိုခွင့်ရှိသူ Faisal Shboul က ပြောကြားခဲ့ပါတယ်။

မြို့ပြကာကွယ်ရေး ကယ်ဆယ်ရေးသမားတွေဟာ အသက်ရှင်ကျန်ရစ်သူတွေကို အပူတပြင်း ရှာဖွေရာမှာ ညလုံးပေါက် ပြိုကျနေတဲ့ ကွန်ကရစ်ခေါင်မိုးတွေကို ဖယ်ရှားပြီး အပျက်အစီးတွေကို အသယ်အချ လုပ်ခဲ့ရပါတယ်။

အခုချိန်ထိ လူတဒါဇင်လောက်ကို ဘေးလွတ်ရာ ရွှေ့ပြောင်းထားပြီး အများအပြားမှာ ဒဏ်ရာပြင်းထန်ကြောင်း ဆေးရုံသတင်းရင်းမြစ်တွေက ပြောပါတယ်။

အဆောက်အဦ ပြိုကျပျက်စီးတဲ့အထိ အခြေအနေဆိုးရွားမှုကို တာဝန်ရှိသူတွေက အပြစ်တင်နေကြပြီး ဝန်ကြီးချုပ် ဘိရှား အယ်လ် ခါဆော်နေးက စုံစမ်းစစ်ဆေးဖို့ အမိန့်ပေးထားပါတယ်။