ဂျာမနီနိုင်ငံအနောက်ပိုင်း အက်ဆန်မြို့က တိုက်ခန်းငါးဆယ်လောက်ပါတဲ့ ငါးထပ်တိုက်တလုံး ဖေဖော်ဝါရီ ၂၁ ရက်က အကြီးအကျယ် မီးလောင်ခဲ့တာကြောင့် လူ သုံးယောက်ထက်မနည်း ဒဏ်ရာရတယ်လို့ ဒေသခံ မီးသတ်ဌာနက ပြောပါတယ်။
ဒေသခံတွေက မနက် ၂ နာရီ ၁၅ မိနစ်လောက်မှာ တပ်လှန့်သတိပေးခဲ့ပြီး မီးသတ်သမားတွေ မီးလောင်ရာကို ပထမဆုံးရောက်ချိန်မှာ မီးက အဆောက်အဦကို အင်မတန် အရှိန်ပြင်းပြင်းနဲ့ ကျယ်ကျယ်ပြန့်ပြန့် လောင်ပြီးနေပြီလို့ မီးသတ်ဌာန ပြောခွင့်ရက သတင်းထောက်တွေကို ပြောပါတယ်။
မီးခိုးဓာတ်ငွေ့ အဆိပ်သင့်တဲ့လူတွေကို ဆေးရုံပို့ခဲ့ပြီးပြီ လူတိုင်း အဆောက်အဦကနေ ထွက်နိုင်ခဲ့ပြီထင်တယ်လို့ ဆိုပါတယ်။
“တိုက်ခန်းထဲကို ဝင်လို့ မရလို့ အပြင်ကနေသာ မီးကို ငြှိမ်းနေရတာ ခက်တယ်၊ မီးဆက်ငြှိမ်းလို့ ပြီးရင် အဆောက်အဦကို အတွင်းထဲမှာ စစ်ဆေးနိုင်ပြီ”လို့ သူက ပြောပါတယ်။ မီးလောင်ရတဲ့ အကြောင်းရင်းကို မသိရသေးပါဘူး။
