ဩစတြေးလျ ဝန်ကြီးချုပ် စကော့မောရစ်ဆင်က အိန္ဒိယဝန်ကြီးချုပ် နရင်ဒြာမိုဒီနဲ့ မတ် ၂၁ရက်က ထိပ်သီးညီလာခံအတွင်း တွေ့ဆုံခဲ့ပါတယ်။

အင်ဒိုပစိဖိတ်ဒေသအတွင်းမှာ ဥရောပ စစ်ပွဲမျိုး ဖြစ်စဉ်တွေ ဘယ်တော့မှ ဖြစ်မလာသင့်ဘူးလို့ မောရစ်ဆင်က ပြောလိုက်ပါတယ်။

ဥရောပမှာ ဆိုးရွားတဲ့ အခြေအနေကြောင့် ကျနော်တို့ အန္တရာယ် ကျရောက်နေချိန်မှာ အင်ဒိုပစိဖိတ်ဒေသအတွင်း ဖြစ်ပျက်နေတာတွေနဲ့  အင်ဒိုပစိဖိတ်ဒေသအတွင်း ဥရောပက ဖြစ်စဉ်မျိုး ဘယ်တော့မှ ပေါ်မလာနိုင်တာ သေချာစေဖို့ သေချာပေါက် အမြဲအာရုံစိုက်ထားတယ်လို့ မောရစ်ဆင်က ပြောပါတယ်။

မိုဒီကလည်း အိန္ဒိယကနေ တရားမဝင် ထုတ်ယူသွားတဲ့ အနုပညာလက်ရာတွေကို ပြန်ပေးတဲ့အတွက် မောရစ်ဆင်ကို ကျေးဇူးတင်ကြောင်း ပြောပါတယ်။

အိန္ဒိယ၊ အမေရိကန်၊ ဂျပန်နဲ့ ဩစတြေးလျ တို့ဟာ ကွက်ဒ်အဖွဲ့ဝင် နိုင်ငံတွေပါ။

အင်ဒိုပစိဖိတ် ဒေသအတွင်း နိုင်ငံရေး စီးပွားရေးနဲ့ စစ်ရေးလှုပ်ရှားမှု တိုးလာတဲ့ တရုတ်ရဲ့ လုပ်ရပ်တွေကို ကာကွယ်ဖို့ ကွက်ဒ်အဖွဲ့ကို အမေရိကန် အားပေးထောက်ကူထားပါတယ်။

ဩစတြေးလျနိုင်ငံမှာ လုပ်ငန်းခွင်အတွင်း နှောင့်ယှက်ခံရသူတွေအတွက် ဝမ်းနည်းတယ်လို့ ဝန်ကြီးချုပ် စကော့မောရစ်ဆင်က ဖေဖော်ဝါရီ ၈ ရက်မှာ ပြောလိုက်ပါတယ်။

နှောင့်ယှက်တာတွေ ဆက်တိုက် ဖြစ်နေတဲ့အထဲမှာ ပါဝင်တဲ့ အခန်းကဏ္ဍအတွက် ဩစတြေးလျ လွှတ်တော်က အသိအမှတ်ပြုပြီး တောင်းပန်ခဲ့ပါတယ်။

တခြားအမျိုးသမီးတွေကို ကာကွယ်ရေးကူညီဖို့ သူ့ဇာတ်လမ်းကို လူသိရှင်ကြား ချပြခဲ့တဲ့ လစ်ဘရယ်ဝန်ထမ်းဟောင်း ဘရစ်တနီ ဟစ်ဂင်စ်ကိုလည်း ဝန်ကြီးချုပ်က တောင်းပန်ခဲ့ပါတယ်။

လွှတ်တော်လုပ်ငန်းခွင်ထဲမှာ အလုပ်လုပ်နေတဲ့ လူ ၃ ယောက်မှာ တယောက်နှုန်းဟာ လိင်ပိုင်း နှောင့်ယှက်မှုပုံစံ တချို့ကို အတွေ့အကြုံရှိခဲ့ကြတာကို တွေ့ရှိခဲ့အပြီးမှာ ဝန်ကြီးချုပ်က အသိအမှတ်ပြု တောင်းပန်ခဲ့တာပါ။

ဟစ်ဂင်စ်ရဲ့ အဓမ္မပြုကျင့်ခံရမှု စွဲချက်ကြောင့် လိင်ခွဲခြားဆက်ဆံမှုဆိုင်ရာ ကော်မရှင်နာမင်းကြီး ကိတ်ဂျန်ကင်စ်ရဲ့ သုံးသပ်ချက် ထွက်ပေါ်ခဲ့တာပါ။ သုံးသပ်ချက်ထဲမှာ ထောက်ခံထားတဲ့ အချက်တွေကို အကောင်အထည်ဖော်သွားမယ်လို့ ဝန်ကြီးချုပ် မော်ရစ်ဆင်က ကတိပြုခဲ့ပါတယ်။