စစ်တပ်ကဗိုလ်ကြီးတယောက် အာဏာသိမ်းစစ်ကောင်စီလက်အောက်မှာ တာဝန်ထမ်းဆောင်လိုခြင်း မရှိတော့တဲ့အတွက် CDM ပြုလုပ်ပြီး လက်နက်၊ ကျည်အပြည့်နဲ့ ပြည်သူ့ရင်ခွင်ခိုလှုံလာခဲ့တယ်လို့ သိရပါတယ်။
စစ်တက္ကသိုလ် အပါတ်စဉ် ၅၂ ဆင်း၊ ကိုယ်ပိုင်အမှတ် ကြည်း ၅၅၇၂၅၊ ဗိုလ်ကြီးကောင်း သူဝင်းဟာ စစ်ဗျူဟာအခြေချအဖွဲ့ မတူပီ-စစ်ရေးအရာရှိ တတိယတန်း စစ်ထောက်တာဝန် (လက်ရှိတွင် မုံရွှာ၌ ကြားစခန်းမှူးအဖြစ် တာဝန်ထမ်းဆောင်နေသူ) ဖြစ်ကာ ပြီးခဲ့တဲ့ ၂၀၂၁ ခုနှစ်၊ ဒီဇင်ဘာ ၂၃ ရက်က ချင်းပြည်ကာကွယ်ရေးတပ် (CDF – KKG)ဆီ အလင်းဝင်ရောက်ခဲ့တာလို့ ဆိုပါတယ်။
လတ်တလောမှာတော့ ဗိုလ်ကြီးကောင်းသူဝင်းနဲ့ မိသားစုကို လုံခြုံစိတ်ချမှုအပြည့်ရှိတဲ့ နေ ရာဒေသဆီ ပို့ဆောင်ပေးပြီးဖြစ်သလို ထိုက်သင့်တဲ့ ဆုကြေးငွေကိုလည်း ပေးအပ်ပြီးဖြစ်တယ်လို့ ထုတ်ပြန်ထားပါတယ်။
အမျိုးသားညီညွတ်ရေးအစိုးရ (NUG) ကတော့ တပ်မတော်ကို အလွဲသုံးစားပြုလုပ်နေတဲ့ လက်တစ်ဆုပ်စာ စစ်ဗိုလ်ချုပ်တစ်စုရဲ့ လက်ကိုင်တုတ် ခါးပိုက်ဆောင်တပ်အဖြစ်မှ ရုန်းထွက်ပြီး ပြည်သူ့ရင်ခွင့်သို့ အမြန်ဆုံးခိုဝင်ကြဖို့ တပ်မတော်သားတွေကို တိုက်တွန်းနှိုးဆော်ထားပါတယ်။
လက်ရှိမှာတော့ စစ်အာဏာသိမ်းကာလ ၁၁ လကျော်အတွင်း CDM လှုပ်ရှားမှုမှာ ပါဝင် လာသူတွေနဲ့ ပြည်သူ့ရင်ခွင်ခိုလှုံလာတဲ့ တပ်မတော်သားတွေလည်း ထောင်နဲ့ချီ ရှိလာနေပြီလို့ ထုတ်ပြန်ထားပါတယ်။
ဒါ့အပြင် အင်အားကြီး တိုင်းရင်းသားလက်နက်ကိုင်အဖွဲ့တွေဖြစ်ကြတဲ့ ကချင်လွတ် မြောက်ရေးတပ်မတော် (ကေအိုင်အေ) နဲ့ ကရင်အမျိုးသားအစည်းအရုံး (ကေအန်ယူ) တို့လို အဖွဲ့အစည်းတွေကလည်း စစ်အာဏာရှင်ဆန့်ကျင်ကာ ပူးပေါင်းလိုတဲ့ ရှေ့တန်းရောက် မြန်မာ့တပ်မတော်သားတွေကို လက်ကမ်းကြိုဆိုနေကြပါတယ်။
