close

စစ်ကောင်စီ သင်္ဘော

close

March 14, 2022

ကသာကို ဆန်တက်လာသည့် စစ်ကောင်စီ သင်္ဘော ၂ စီး ရှော့တိုက်ဒုံးဖြင့် တိုက်ခိုက်ခံရ

စစ်ကိုင်းတိုင်း၊ ကသာမြို့နယ်မှာ မတ် ၁၄ ရက် မနက်ပိုင်းက ဧရာဝတီမြစ်ကြောင်းကနေ ဆန်တက်လာတဲ့  စစ်ကောင်စီတပ်ရဲ့  သင်္ဘော ၂ စီးကို  Katha PDF က  ရှော့တိုက်ဒုံး ၂လုံးနဲ့ ပစ်ခတ် တိုက်ခိုက်ခဲ့ပါတယ်။

မန္တလေးမှ ကသာသို့ စစ်ကောင်စီတပ်အင်အားဖြည့်ဖို့လာတဲ့ ရေယာဉ်သင်္ဘောကို ကသာမြို့နယ်  ပန်းသေးရွာအနီးမှာ Katha PDF အဖွဲ့က ပစ်ခတ်တိုက်ခိုက်ခဲ့ကြောင်းဒေသခံတွေထံက သိရပါတယ်။

"မနက်က ပန်းသေးရွာနားမှာ စစ်ကောင်စီ ရေယာဉ်တက်လာတုန်း ကသာ PDF က ပစ်တာ။ သင်္ဘောအထိနာပုံရတယ်။ ညနေပိုင်း ကသာဆိပ်ကမ်းကို စစ်ကောင်စီသင်္ဘောဆိုက်လာပြီး မကြာဘူး လူနာတင်ကားလေးစီးဆိုက်ပြီး ကသာဆေးရုံကို လူနာတင်ပြီး မောင်းသွားတယ် ဘယ်နှစ်ယောက်ထိခိုက်သေဆုံးတယ်ဆိုတာတော့ တိတိကျကျမသိဘူး"လို့ ဒေသခံ တစ်ဦး က ပြောပါတယ်။

သင်္ဘောအလယ်တည့်တည့်ကို ရှော့တိုက် ဒုံးတစ်လုံး ကျရောက်ခဲ့တဲ့အတွက် ထိခိုက်ပျက်စီးခဲ့တယ်လို့ ဒေသခံက ဆက်လက်ပြောပါတယ်။

ကသာမြို့နယ် ချောင်းဝကျေးရွာအနီးမှာလည်း မတ် ၁၁ ရက်က ပြည်သူ့ကာကွယ်ရေးတပ်ဖွဲ့က စစ်ကောင်စီရေယာဉ်ကို ပစ်ခတ်ခဲ့တဲ့အတွက် ဗျူဟာမှူးနဲ့  စစ်ဗိုလ်သုံးဦးအပါအဝင် စစ်ကောင်စီတပ်သား ၁၀ ယောက် ထက်မနည်း ရေထဲခုန်ချ ထွက်ပြေးခဲ့ရပါတယ်။

44 seconds Ago
Up