မန္တလေးတိုင်း၊ မိတ္ထီလာမြို့၊ ရတနာမာရ်အောင်ရပ်ကွက် နယ်မြေ (၁) မှာ စက်တင်ဘာ ၁၉ ရက်မနက်က ရေဆိုးမြောင်း ရှင်းလင်းရာမှာ ဒုတိယကမ္ဘာစစ်ကျန် သံချေးတက်နေတဲ့ ဗုံး တွေ့တယ်လို့ ဒေသခံတစ်ဦးက ပြောပါတယ်။
“အိမ်ဝိုင်းဘေးက ရေဆိုးမြောင်း ပိတ်နေတာကို အမျိုးသမီးတစ်ဦးက ရှင်းလင်းတာ သံချေးတက်နေတဲ့ စစ်ကျန်ဗုံးတစ်လုံးတွေ့တာပါ။ သက်ဆိုင်ရာကို အကြောင်းကြားပြီး အပ်လိုက်ကြတယ်” လို့ ပြောပါတယ်။
ရေဆိုးမြောင်းဘေးက လုံးပတ် ၁၀ လက်မ အရှည် ၁၁ လက်မလောက်ရှိတဲ့ သံချေးတက် ဗုံးသီးအဟောင်းကို သက်ဆိုင်ရာက လာရောက်သိမ်းဆည်းသွားတယ်လို့ သိရပါတယ်။
