မောင်းသူမဲ့လေယာဉ် ဒရုန်းတွေကို အထူးပြုတဲ့ စစ်ဘက်ဆိုင်ရာယူနစ်တခု ထူထောင်ရေးကို တိုးမြှင့်လုပ်ဆောင်သွားမယ်လို့  တောင်ကိုရီးယားသမ္မတ ယွန်းဆွတ်ခ်ယိုးက ဒီဇင်ဘာ ၂၇ ရက်မှာ ပြောကြားလိုက်ပါတယ်။

ဒါ့အပြင် မြောက်ကိုရီးယား ဒရုန်းတွေရဲ့ နယ်စပ်ကျူးကျော်မှုအပေါ်မှာလည်း ဝေဖန်ပြောဆိုလိုက်ပါတယ်။

တောင်ကိုရီးယားရဲ့လေပိုင်နက်ကို မြောက်ကိုရီးယား စစ်ဘက်ဒရုန်းတွေ ကျူးကျော်ဝင်ရောက်လာတဲ့ ဖြစ်ရပ်မှာ ပြီးခဲ့တဲ့နှစ်တွေအတွင်း တောင်ကိုရီးယားစစ်တပ်ရဲ့ ကြိုတင်ပြင်ဆင်မှုနဲ့ လေ့ကျင့်မှု သိသိသာသာ အားနည်းမှုကို ပြသခဲ့ပြီး ပိုပြင်းထန်တဲ့ အဆင်သင့်ဖြစ်နေမှုနဲ့ လေ့ကျင့်မှုတွေ လိုအပ်နေပြီဆိုတာကို ရှင်းရှင်းလင်းလင်းပြသလိုက်တာဘဲလို့ သမ္မတ ယွန်းက အစိုးရအဖွဲ့ အစည်းအဝေးမှာ ပြောကြားခဲ့ပါတယ်။

ဒရုန်းယူနစ်တခု ဖန်တီးဖို့ အစီအစဥ်ကို အမြန်ဆုံး အရှိန်အဟုန်မြှင့် ဆောင်ရွက်သွားမှာဖြစ်ပြီး အဲဒီနောက် သူ့ရဲ့ ထောက်လှမ်းရေးနဲ့ ထောက်လှမ်းနိုင်စွမ်းကို မြှင့်တင်ပေးသွားမယ်လို့လည်း ဆိုပါတယ်။

မြောက်ကိုရီးယား ဒရုန်း ၅ စင်းဟာ တနင်္လာနေ့က တောင်ကိုရီးယားကို ဖြတ်ကျော် ဝင်ရောက်ခဲ့တာကြောင့် ဆိုးလ်ဘက်ကလည်း တိုက်လေယာဉ်တွေ၊ တိုက်ခိုက်ရေး ရဟတ်ယာဉ်တွေ ရှုပ်ရှုပ်ထွေးထွေး ဖြစ်သွားခဲ့ပြီး ၂၀၁၇ ခုနှစ်နောက်ပိုင်း ပထမဆုံး ကျူးကျော်ဝင်ရောက်လာတဲ့ အဲဒီဒရုန်းတွေကို ပစ်ချဖို့ ကြိုးစားခဲ့ပါတယ်။

အဲဒီဒရုန်းတွေဟာ မြို့တော် ဆိုးလ် အပါအဝင် တောင်ကိုးရီးယားမြို့ အတော်များများကို ၅ နာရီလောက် ပျံသန်းနေချိန်မှာ စက်သေနတ်တပ်ဆင်ထားတဲ့ ရဟတ်ယာဉ်တစီးကနေ သတိပေးချက်နဲ့ ပစ်ခတ်မှု အကြိမ် ၁၀၀ လောက် လုပ်ခဲ့ပေမဲ့လည်း ဒရုန်းတွေကို ပစ်ချနိုင်ခြင်း မရှိခဲ့ပါဘူး။