close

စစ်ရေးပြ

close

March 28, 2022

ကန်ပက်လက်တွင် တော်လှန်ရေးနေ့ စစ်ရေးပြလုပ်ရန် တန်းစီချိန် တိုက်ခိုက်ခံရ

ချင်းပြည်နယ် ကန်ပက်လက်မြို့မှာ မတ် ၂၇ ရက် နေ့လယ်ပိုင်းက တော်လှန်ရေးနေ့ စစ်ရေးပြလုပ်ဖို့ တန်းစီချိန်မှာ တိုက်ခိုက်ခံရတာကြောင့် စစ်ကောင်စီတပ်သား ၂ ယောက်ထက်မနည်း သေဆုံးပြီး အများအပြား ဒဏ်ရာရရှိသွားတယ်လို့ CDF-ကန်ပက်လက်က ပြောပါတယ်။

ကန်ပက်လက်မြို့ထဲမှာ မနေ့က မွန်းတည့် ၁၂ နာရီလောက်က တော်လှန်ရေးနေ့ စစ်ရေးပြလုပ်ဖို့ တန်းစီနေတဲ့ စစ်ကောင်စီတပ်သားတွေကို CDF တပ်ဖွဲ့က နေရာယူပြီး ပြောက်ကျားစနစ်နဲ့ ဝင်ရောက်တိုက်ခိုက်ခဲ့တာလို့ CDF-ကန်ပက်လက်ရဲ့ ပြန်ကြားရေးတာဝန်ခံက ပြောပါတယ်။

စစ်ကောင်စီတပ်ဘက်ကလည်း လက်နက်ကြီး လက်နက်ငယ်တွေနဲ့ ပြန်လည်ပစ်ခတ်တာကြောင့် အချိန် ၃ နာရီလောက်ကြာအောင် တိုက်ပွဲအပြင်းထန်ဖြစ်ပွားကာ ညနေ ၃ နာရီလောက်မှာ CDF ရဲဘော်တွေ အထိခိုက်အကျဆုံးမရှိဘဲ ဆုတ်ခွာခဲ့ကြတယ်လို့ ဆိုပါတယ်။

ကန်ပက်လက်မြို့ထဲမှာ မတ် ၂၆ ရက်ကလည်း ကင်းပုန်းဝတ်နေတဲ့ ရဲတွေကို CDF-ကန်ပက်လက်က တိုက်ခိုက်ခဲ့လို့ စစ်ကောင်စီ ရဲတပ်သား တယောက်သေဆုံးကာ တယောက်ဒဏ်ရာရရှိခဲ့တယ်လို့ သိရပါတယ်။

ကန်ပက်လက်မြို့မရဲစခန်းနဲ့ အ.ထ.က ကျောင်းမှာ တပ်စွဲထားတဲ့ စစ်ကောင်စီတပ်တွေက လက်နက်ကြီး လက်နက်ငယ်တွေနဲ့ ပစ်ခတ်တာကြောင့် မြို့ပေါ်နဲ့ ကျေးရွာတချို့ကို လက်နက်ကြီး ကျရောက်ပြီး နေအိမ်တချို့ ပျက်စီးခဲ့တယ်လို့ သိရပါတယ်။

နှစ်ဖက်တိုက်ပွဲတွေနဲ့ ပတ်သက်လို့တော့ ထိခိုက်သေဆုံးတဲ့ အခြေနေကိုတော့ စစ်ကောင်စီဘက်က သတင်းထုတ်ပြန်ထားတာမတွေ့ရသေးပါဘူး။

11 mins Ago

December 15, 2020

တပ်မတော်(လေ)နှစ်ပတ်လည်နေ့ အထိမ်းအမှတ် စစ်ရေးပြ (ဓာတ်ပုံ)

(၇၃)နှစ်မြောက် တပ်မတော်(လေ)နှစ်ပတ်လည်နေ့ အထိမ်းအမှတ် ဂုဏ်ပြုစစ်ရေးပြအခမ်း အနားနဲ့ လေယာဉ်/ရဟတ်ယာဉ်တွေ သရုပ်ပြပျံသန်းတဲ့အခမ်းအနားကို မိတ္ထီလာတပ်နယ်ရှိ လေကြောင်းအတတ်သင်လေတပ်စခန်းဌာနချုပ်မှာ ဒီကနေ့ ကျင်းပပါတယ်။ ဓာတ်ပုံ- MAF
1 year Ago
Up