စစ်ကိုင်းတိုင်း၊ က​လေးခရိုင်၊ မင်းကင်းမြို့နယ်မှာ ဧပြီ ၂၅ ရက်​နေ့လယ်  ၁ နာရီလောက်က စစ်​ကောင်စီတပ်နဲ့ ပျူ​စောထီးအဖွဲ့​တို့ ကမ်းပြည့်​ကျေးရွာအနီးမှာ မိုင်းဆွဲတိုက်ခိုက်ခံခဲ့ရတယ်လို့ ​ဒေသခံ​တွေနဲ့ PDF တပ်ဖွဲ့က ​ ပြောပါတယ်။

MKPDF တပ်ရင်း -၂ ၊ တပ်ခွဲ ၁ အဖွဲ့က ပ​ဒေသာမိုင်းတွေနဲ့ တိုက်ခိုက်ခဲ့တာဖြစ်ပြီး စစ်​ကောင်စီအဖွဲ့ ၁၅ ​ယောက်လောက် ကျဆုံးနိုင်သလို ဒဏ်ရာရရှိသူ​တွေလည်း များနိုင်တယ်လို့ PDF ​ခေါင်း​ဆောင်တယောက်က ​ပြောပါတယ်။

တိုက်ခိုက်ခံရတဲ့ စစ်​ကောင်စီတပ်ဖွဲ့ဟာ မင်းကင်းမြို့​ပေါ်မှာတပ်စွဲ​နေထိုင်တဲ့အဖွဲ့ဖြစ်ပြီး က​လေးဝဘက်က​နေတက်လာတဲ့ စစ်​ကောင်စီတပ်ဖွဲ့ကို အကြိုသွား​စဥ် မင်းကင်း - မြို့မ​ လမ်းပိုင်း​ ကမ်းပြည့်​ကျေးရွာအနီးမှာ ​ဒေသခံ PDF အဖွဲ့​တွေရဲ့ မိုင်းဆွဲတိုက်ခိုက်ခံခဲ့ရတာလို့ ဆိုပါတယ်။

မိုင်းဆွဲတိုက်ခိုက်ခံရပြီးနောက် ကမ်းပြည့်​ကျေးရွာအတွင်းကို စစ်​ကောင်စီတပ်တွေ ဝင်​ရောက်​မွှေ​နှောက်နေတာကြောင့် ​ဒေသခံပြည်သူ​တွေလည်း ​ထွက်​ပြေးတိမ်း​ရှောင်​ခဲ့ကြရတယ်လို့ ​ဒေ​သခံတစ်ဦးက ​ပြောပါတယ်။

မင်းကင်းဘက်က​နေ သွားကြိုတဲ့ က​လေးဝဘက်က​ တက်လာတဲ့ စစ်​ကောင်စီတပ်ဖွဲ့ဟာ ကား ၃ စီးနဲ့ ဧပြီ  ၂၄ ရက်​က  မင်းကင်းဘက်ဆီကို မုံရွာ-ယာကြီး-က​လေးဝ လမ်းအတိုင်း လာတာဖြစ်ပြီး မိုင်တိုင်အမှတ် ၁၁၀ အနီး​​အ​ရောက် ည​နေ ၅ နာရီခန့်​လောက်မှာ ကား ၁ စီး တိမ်း​မှောက်ခဲ့တယ်လို့ ​ဒေသခံ​တွေက ​ပြောပါတယ်။

ကားတိမ်း​မှောက်မှု​ကြောင့် စစ်​ကောင်စီတပ်သား ၁၀ ယောက် ထက်မနည်း ထိခိုက်ဒဏ်ရာရရှိခဲ့ပြီး ထိခိုက်ဒဏ်ရာရရှိသူ​တွေကို​တော့ က​လေးဝဘက်ကို ပြန်လည်သယ်​ဆောင်သွားကြပါတယ်။

စစ်ကိုင်းတိုင်း ယင်းမာပင်ခရိုင် ယင်းမာပင်မြို့နယ် လက်ပံ​တော(လက်ပ​တော)​ကျေးရွာမှာ စစ်​ကောင်စီတပ်ဖွဲ့ရဲ့ ပစ်ခတ်မှု​ကြောင့် က​လေးငယ်  ၂ ဦး အပါအဝင် အပြစ်မဲ့ပြည်သူ ၆ ဦး ​သေဆုံးခဲ့ပြီး ၁ ဦး ဒဏ်ရာရရှိခဲ့တယ်လို့ သိရပါတယ်။ 

မတ် ၇ ရက်​နေ့က စည်​လှောင်​ကျေးရွာအတွင်းမှာ ညအိပ်တပ်စွဲခဲ့တဲ့ စစ်​ကောင်စီတပ်ဖွဲ့ဟာ ဒီ​နေ့ မနက်ပိုင်းကစတင်ပြီး ​ကျေးရွာ​တွေဘက်ကို လှည့်လည်စီးနင်းခြင်း​တွေပြုလုပ်ခဲ့ကြရာက​နေ လက်ပံ​တော (လက်ပ​တော)​ ကျေးရွာအတွင်းကို လက်နက်ကြီးလက်နက်ငယ်တွေနဲ့ ပစ်ခတ်ဝင်​ရောက်ခဲ့ကြတယ်လို့ ​ဒေသခံ​တွေက ​ပြောပါတယ်။

အဲဒီလို ပစ်ခတ်ဝင်​ရောက်လာစဥ်မှာ စစ်​ရှောင်​နေတဲ့ ပြည်သူ​အချို့ လက်နက်ကြီး ထိမှန်ခဲ့တာ​ကြောင့် ​သေဆုံးခဲ့ကြရသလို ထိခိုက်ဒဏ်ရာ ရသူလည်းရှိခဲ့တာလို့ ဆိုပါတယ်။

လက်ရှိအချိန်ထိ ​အပြစ်မဲ့ပြည်သူ ၆ ဦး​သေဆုံးခဲ့ရပြီး ၁ ဦးက​တော့ ထိခိုက်ဒဏ်ရာရရှိခဲ့တယ်လို့ ​ပြောပါတယ်။ 

က​လေးငယ်  ၂ ဦးနဲ့ မိခင် ၂ ဦးတို့ဟာ ​ကျေးရွာအတွင်းရှိ သူတို့ရဲ့ ​နေအိမ်​တွေထဲမှာရှိ​နေစဥ် လက်နက်ကြီး ကျ​ရောက်​ပေါက်ကွဲမှုကြောင့် ​​သေဆုံးခဲ့တာဖြစ်ပြီး သက်ကြီး  ၂ ဦးက​တော့ ဘုန်း​တော်ကြီး​ကျောင်းဝင်းအတွင်းက ဓမ္မာရုံအတွင်းမှာ စစ်​ရှောင်​နေစဥ် လက်နက်ကြီးထိမှန်​သေဆုံးခဲ့တာလို့ ​​ပြောပါတယ်။

စစ်​ကောင်စီတပ်ဖွဲ့ဟာ လက်ရှိအချိန်ထိ လက်ပံ​တော(လက်ပ​တော)​ ကျေးရွာအတွင်းမှာပဲ ရှိ​နေ​သေးပြီး စစ်​ရေးတင်းမာမယ့် အ​နေအထားရှိတယ်လို့ ​ဒေသခံ​တွေက ခန့်မှန်း​ပြောဆို​နေကြပါတယ်။

စစ်​ကောင်စီတပ်​ဖွဲ့တွေဟာ ​​မတ် ၈ ရက်မနက်ပိုင်းကစပြီး ယင်းမာပင်မြို့နယ်အတွင်းက ကျေးရွာ​တွေကို လှည့်လည်သွားလာ​ကာ ​သေနတ်ပစ်ခတ်တာနဲ့ မီးရှို့တာတွေ ပြုလုပ်​နေတာ​ကြောင့် ကျေးရွာ​ပေါင်း ၁၀ ရွာလောက် ​ဒေသခံပြည်သူ​တွေ ​နေအိမ်​တွေမှာ မ​နေရဲကြဘဲ ထွက်​ပြေး​နေကြရပါတယ်။