စစ်ကိုင်းတိုင်း ယင်းမာပင်မြို့နယ် အမှတ် (၂၈) ရဲတပ်ရင်း​အနီးမှာ ​နိုဝင်ဘာ ၇ ရက်​နေ့မနက်ပိုင်းက စစ်​ကောင်စီတပ်ကား ၂ စီး မိုင်းဆွဲတိုက်ခိုက်ခံရတယ်လို့ သိရပါတယ်။

စစ်ဗိုလ်အဆင့်ရှိသူတဦးရဲ့ မင်္ဂလာ​ဆောင်လာတဲ့ စစ်​ကောင်စီကား ၂ စီးဟာ အမှတ် (၂၈) ရဲတပ်ရင်းရဲ့ ​မြောက်ဘက် ​​ရေ​ကျော်အနီးမှာ မိုင်းဆွဲတိုက်ခိုက်ခံရတာဖြစ်ပြီး ကား ၁ စီး ထိမှန်ခဲ့တယ်လို့ ​ဒေသခံ​တွေက​ ပြောပါတယ်။

မိုင်း​ပေါက်ကွဲအပြီး စစ်​ကောင်စီတပ်သား​တွေဟာ လက်နက်ကြီး လက်နက်ငယ်​တွေနဲ့ ရမ်းသမ်း ပစ်ခတ်တာကြောင့် လမ်းသွားလမ်းလာ ပြည်သူ ၁ ဦး ​သေနတ်ထိမှန် ဒဏ်ရာရခဲ့တယ်လို့ သိရပါတယ်။

ဒါ့အပြင် အနီးအနားက ပြည်သူတချို့ကို စစ်ကောင်စီတပ်က ဖမ်းဆီးစစ်ဆေးတာတွေ ပြုလုပ်ခဲ့ပြီး ပြန်လွှတ်​ပေးခဲ့တယ်လို့လည်း ဆိုပါတယ်။

မိုင်းဆွဲတိုက်ခိုက်ခံရမှု​ကြောင့် စစ်​ကောင်စီတပ်သားတွေ ထိခိုက်ကျဆုံးမှု​အခြေအနေနဲ့ ဘယ်အဖွဲ့က လုပ်​ဆောင်တယ်ဆိုတာ မသိရ​​​သေးပါဘူး။

စစ်ကိုင်းတိုင်း ယင်းမာပင်ခရိုင် ဆားလင်းကြီးမြို့နယ် ​ချောက်တင်းကျ​ကျေးရွာအနီးမှာ စက်တာဘာ ၂၉ ရက် မနက်ပိုင်းက စစ်​ကောင်စီယာဉ် ၃ စီး မိုင်းဆွဲတိုက်ခိုက်ခံရတယ်လို့ သိရပါတယ်။

စက်တာဘာ ၂၉ ရက် မနက် ၉ နာရီ​လောက်က မုံရွာ-ပုသိမ် ကားလမ်းအတိုင်း ​မောင်းနှင်လာတဲ့ စစ်​ကောင်စီတပ်ဖွဲ့ယာဉ် ၃ စီးဟာ မြန်မာ-ဝမ်​ပေါင် ကုမ္ပဏီလုပ်ကွက်နဲ့ ဆားလင်းကြီးမြို့အကြား ​ချောက်တင်းကျ ​ကျေးရွာအနီးမှာ မိုင်းဆွဲတိုက်ခိုက်ခံရတာလို့ ဒေသခံ တစ်ဦးက ​ပြောပါတယ်။

မိုင်းဆွဲတိုက်ခိုက်မှုကို ဒေသခံ PDF အဖွဲ့က ပြုလုပ်ခဲ့တာဖြစ်ပြီး ကား ၃ စီးလုံးမှာ စစ်​ကောင်စီတပ်သား အပြည့်တင်​ဆောင်လာတာဖြစ်သလို ကားအားလုံး မိုင်းထိမှန်ခဲ့တာ​ကြောင့် အ​သေ​ပျောက်များနိုင်​တယ်လို့ ဆိုပါတယ်။

အဲဒီ မိုင်းထိမှန်တဲ့ စစ်​ကောင်စီကား​တွေဟာ ဘယ်​ဒေသကိုသွားမယ်ဆိုတာ မသိသလို ​သေဆုံးထိခိုက် အ​ရေအတွက်စာရင်းကိုလည်း မသိရ​သေးဘူးလို့ ဒေသခံက ပြောပါတယ်။