ဧရာဝတီတိုင်း ကျုံပျော်မြို့နယ် အင်းရဲလမ်းဆုံစစ်ဆေးရေးဂိတ်မှာ နို၀င်ဘာ ၄ ရက် ဒီနေ့မနက် ၈ နာရီ ၁၅ မိနစ်က ဗုံးပေါက်ကွဲမှု ဖြစ်ပွားခဲ့တယ်လို့ သိရပါတယ်။
ကျုံပျော်မြို့နယ် အင်းရဲလမ်းဆုံစစ်ဆေးဂိတ်မှာ ဆိုင်ကယ်စီးသူတွေကို အကြောင်းအမျိုးမျိုးပြပြီး ဖမ်းဆီးငွေတောင်းတဲ့ ဂိတ်တခုဖြစ်တယ်လို့ ဒေသခံတွေက ပြောပါတယ်။ ဗုံးပေါက်ကွဲမှုကြောင့် ထိခိုက်ဒဏ်ရာရမှုအခြေအနေကိုတော့ မသိရသေးဘူးလို့ ဆိုပါတယ်။
စစ်ကောင်စီရဲ့ ဖိနှိပ်ခြင်းကို နေစဉ်နဲ့အမျှ ခံနေရပြီး မတရားဖမ်းဆီးတာတွေလည်း မကြာမဏ ကြုံတွေ့နေရတယ်လို့ ဒေသခံတွေက ပြောပါတယ်။
ကျုံပျော်မြို့ဟာ ခုခံတော်လှန်စစ်ကို ဧရာဝတီတိုင်းမှာ ပထမဆုံးလက်နက်စွဲကိုင်တော်လှန်တဲ့ မြို့ဖြစ်ပြီး
ဧရာ၀တီတိုင်းမှာ စက်တင်ဘာ ၇ ရက်ကနေ နို၀င်ဘာ ၃ ရက်အထိ မြို့ပြ ပြောက်ကျားတွေက စီးပွားရေးပစ်မှတ်၊ စစ်ရေးပစ်မှတ်နဲ့ အုပ်ချုပ်ရေးပစ်မှတ်ပေါင်း ၆၀ ကျော်ကို တိုက်ခိုက်ခဲ့တယ်လို့ သိရပါတယ်။
