အခုနှစ်ရာသီအကုန်မှာ စာချုပ်သက်တမ်းကုန်ဆုံးမယ့် မက်ဆီဟာ ပီအက်စ်ဂျီအသင်းကနေထွက် ခွာတော့မယ်လို့သိရပါတယ်။
မက်ဆီဟာ ကမ္ဘာ့ဖလားအပြီးကတည်းက အသင်းနဲ့ သက်တမ်းတိုးဖို့ ဆွေးနွေးမှု အဆင်မပြေဖြစ်ခဲ့တာပါ။
ပြီးခဲ့တဲ့ရက်ပိုင်းက အသင်းရဲ့ခွင့်ပြုချက်မရဘဲ ဆော်ဒီနိုင်ငံဆီ မိသားစုနဲ့ အလည်အပတ်သွား ရောက်ခဲ့ပြီးနောက် ပီအက်စ်ဂျီက နှစ်ပတ်ပွဲပယ်ပြစ်ဒဏ်ချမှတ်ခဲ့ပါတယ်။
ဒီအခြေအနေဟာ ပီအက်စ်ဂျီနဲ့ မက်ဆီတို့ရဲ့ ဆက်ဆံရေးအဆင်မပြေဖြစ်နေတာကို ဖော်ပြနေပြီး မက်ဆီအနေနဲ့ အသင်းကနေထွက်ခွါဖို့ သေချာသွားတယ်လို့ အပြောင်းအရွှေ့ကျွမ်းကျင်သူ ဂျာနယ်လစ် ဖာဘရီဇီရိုရိုမန်နိုက ဖော်ပြခဲ့ပါတယ်။
မက်ဆီအနေနဲ့ ဘယ်အသင်းဆီပြောင်းရွှေ့ ကစားမလဲဆိုတာ မသိရှိသေးပေမဲ့ အသင်းဟောင်း ဘာစီလိုနာအပြင် ဆော်ဒီကလပ် အယ်လ်ဟီလယ်ကလည်း မက်မောလောက်စရာလုပ်ခလစာနဲ့ ကမ်းလှမ်းဖို့ အသင့်ရှိနေတယ်လို့သိရပါတယ်။
