နိုင်ဂျီးရီးယားနိုင်ငံမြို့တော် အဘူဂျာမှာ စက်တင်ဘာ ၂၈ ရက်က တားမြစ်ပိတ်ပင်ခံ ရှီးယိုက် မွတ်စလင်အုပ်စုတစုရဲ့ စီတန်းလှည့်လည်ပွဲ ပစ်ခတ်မှုတွေကြောင့် ၁၀ ယောက်လောက် သေဆုံးခဲ့တယ်လို့ သိရပါတယ်။

စီတန်းလှည့်လည်သူတွေကို သတ်ဖြတ်တယ်ဆိုတဲ့ စွဲချက်ကို ရဲတပ်ဖွဲ့က ငြင်းပေမယ့် မျက်မြင်သက်သေတွေထဲက တယောက်ကတော့ လူ ဆယ်ယောက်လောက် သေဆုံးတယ်လို့  ပြောပါတယ်။

လုံခြုံရေးတပ်ဖွဲ့ဝင်တွေဟာ အားဘိုင်ဘာသသာရေးဝတ်ပြုပွဲ အထိမ်းအမှတ် စီတန်း လှည့်လည်ပွဲမှာ ပါဝင်သူ ရှီးယိုက် မွတ်စလင် ဆယ်ယောက်လောက်ကို အသေပစ်သတ်ခဲ့တယ်လို့ နိုင်ဂျီးရီးယားအစ္စလာမစ်လှုပ်ရှားမှု (IMN) ရဲ့ အဖွဲ့ဝင် တယောက်ကလည်း ဆိုပါတယ်။

  တခြားအုပ်စုဝင်တွေကတော့ လူ ၈ ယောက် သေဆုံးတယ်လို့ ပြောပါတယ်။

  အဘူဂျာ- ကူဘွာ အဝေးပြေးလမ်းတယောက် ယာဉ်မောင်းတွေကို မလိုလားအပ်ဘဲ အနှောင့်အယှက် ဖြစ်စေတဲ့ IMN အဖွဲ့ဝင်တွေကို ဟန့်တားဖို့ အရေးယူခဲ့တာလို့ အဘူဂျာမြို့တော် ရဲတပ်ဖွဲ့က ပြောပါတယ်။

  IMN ခေါင်းဆောင်အား ဖမ်းဆီးတာကို ဆန့်ကျင်တဲ့ ဆန္ဒပြပွဲအပြီး အစိုးရက IMN အဖွဲ့ကို ဖျက်သိမ်းခဲ့ပါတယ်။

  အရင်တုန်းက IMN ရဲ့ ပွဲတွေကိုလည်း လုံခြုံရေး တပ်ဖွဲ့ဝင်တွေက ပစ်ခတ်ခဲ့ဖူးတယ်လို့ ရိုက်တာ သတင်းမှာ ဖော်ပြပါတယ်။

သီရိလင်္ကာနိုင်ငံမှာ စက်တင်ဘာ ၇ ရက်ကကျင်းပတဲ့ ကော့တေမြို့ရဲ့ လမ်းပေါ်က အလှပြ စီတန်းလှည့်လည်ပွဲအတွင်း ဆင် ၂ ကောင် အနင်းခံရတာကြောင့် လူ ၁၇ ယောက် ဒဏ်ရာရတယ်လို့ ဒေသခံ မီဒီယာက အစီရင်ခံပါတယ်။ ဆင် ၁ ကောင် လမ်းအတိုင်း ပြေးလာပြီး လမ်းဘေးက ရပ်ကြည့်နေသူတွေကို နင်းမချေခင် လူအုပ်ဆီကနေ လန့်ပြေးပုံ ရုပ်သံကို ရိုက်ကူးနိုင်ခဲ့ပါတယ်။ နှစ်စဉ် ကျင်းပတဲ့ ပေရာဟေရာ ချီတက်ပွဲဟာ နှစ် ၆ ရာ သက်တမ်းရှိတဲ့ ဗုဒ္ဓဘာသာ ဘုန်းတော်ကြီးကျောင်းကနေစပြီး ထွက်ပါတယ်။ ကော့တေမြို့ရဲ့ လမ်းတွေအတိုင်း ကကြိုးတန်ဆာ ဆင်ယင်ထားတဲ့ ဆင်တွေ၊ ကချေသည်တွေနဲ့ ခမ်းခမ်းနားနား ချီတက်လေ့ ရှိပါတယ်။ ဒဏ်ရာရသူတွေကို ကာလူဘိုဝီလာဆေးရုံ၊ ကိုလံဘို အထွေထွေဆေးရုံနဲ့ စရီဂျယာဝါဒေနပူရ အထွေထွေဆေးရုံတွေမှာ ကုသပေးနေတယ်လို့ ဒေသခံ မီဒီယာက ပြောပါတယ်။ ~~~~~~~~~~~~~~~~~~~ Zawgyi_version သီရိလကၤာ စီတန္းလွည့္လည္ပြဲ ဆင္ ၂ ေကာင္ဝင္နင္း၊ ၁၇ ဦး ဒဏ္ရာရ (႐ုပ္သံ) သီရိလကၤာႏိုင္ငံမွာ စက္တင္ဘာ ၇ ရက္ကက်င္းပတဲ့ ေကာ့ေတၿမိဳ႕ရဲ႕ လမ္းေပၚက အလွျပ စီတန္းလွည့္လည္ပြဲအတြင္း ဆင္ ၂ ေကာင္ အနင္းခံရတာေၾကာင့္ လူ ၁၇ ေယာက္ ဒဏ္ရာရတယ္လို႔ ေဒသခံ မီဒီယာက အစီရင္ခံပါတယ္။ ဆင္ ၁ ေကာင္ လမ္းအတိုင္း ေျပးလာၿပီး လမ္းေဘးက ရပ္ၾကည့္ေနသူေတြကို နင္းမေခ်ခင္ လူအုပ္ဆီကေန လန႔္ေျပးပုံ ႐ုပ္သံကို ႐ိုက္ကူးႏိုင္ခဲ့ပါတယ္။ ႏွစ္စဥ္ က်င္းပတဲ့ ေပရာေဟရာ ခ်ီတက္ပြဲဟာ ႏွစ္ ၆ ရာ သက္တမ္းရွိတဲ့ ဗုဒၶဘာသာ ဘုန္းေတာ္ႀကီးေက်ာင္းကေနစၿပီး ထြက္ပါတယ္။ ေကာ့ေတၿမိဳ႕ရဲ႕ လမ္းေတြအတိုင္း ကႀကိဳးတန္ဆာ ဆင္ယင္ထားတဲ့ ဆင္ေတြ၊ ကေခ်သည္ေတြနဲ႔ ခမ္းခမ္းနားနား ခ်ီတက္ေလ့ ရွိပါတယ္။ ဒဏ္ရာရသူေတြကို ကာလူဘိုဝီလာေဆး႐ုံ၊ ကိုလံဘို အေထြေထြေဆး႐ုံနဲ႔ စရီဂ်ယာဝါေဒနပူရ အေထြေထြေဆး႐ုံေတြမွာ ကုသေပးေနတယ္လို႔ ေဒသခံ မီဒီယာက ေျပာပါတယ္။