နည်းပြဆောက်ဂိတ်ကို အင်္ဂလန်အသင်းနည်းပြချုပ်အဖြစ် ဆက်လက်တာဝန်ယူဖို့ ကစားသမား တွေက တောင်းဆိုခဲ့ပါတယ်။
အသင်းခေါင်းဆောင်ဟယ်ရီကိန်းကတော့ ဂယ်ရက်သ်ဆောက်ဂိတ်ကို နည်းပြချုပ်အဖြစ် ဆက်ရှိနေတာကို သဘောကျပြီး အသင်းမှာဆက်ရှိနေစချင်ကြောင်း၊ ဆုံးဖြတ်ချက်ကိုတော့ နည်းပြဆောက်ဂိတ်ကိုယ်တိုင်လုပ်ဆောင်ရမှာဖြစ်ပေမယ့် သူကိုယ်တိုင်လည်း ဆက်လက် တာဝန်ယူချင်မယ်လို့ ထင်ကြောင်း ပြောပါတယ်။
ကွင်းလယ်လူ ဒက်ကလန်ရိုက်ကလည်း နည်းပြဆောက်ဂိတ် ဆက်လက်တာဝန်ယူမယ်လို့ မျှော်လင့်ကြောင်း၊ ပြင်သစ်နဲ့ပွဲစဉ်မှာ နည်းစနစ်ပိုင်းအရ မှန်ကန်ခဲ့ပြီး အမ်ဘာပေဟာလည်း လူပ်ရှားလို့မရခဲ့ကြောင်း၊ ဂိုးတွေပေးခဲ့ရတာက ကစားသမားတွေရဲ့တာဝန်သာဖြစ်ကြောင်း ပြောပါတယ်။
နည်းပြဆောက်ဂိတ်ကိုယ်တိုင်ကတော့ ဆက်လက်တာဝန်ယူမလားဆိုတာ ပြန်လည်သုံးသပ်သွားမယ်လို့ ဆိုခဲ့ပါတယ်။
