ပါရာဂွေးနိုင်ငံက အာဏာရပါတီရဲ့ သမ္မတလောင်းဖြစ်သူ အသက် ၄၄ နှစ်အရွယ် ဆန်တီယာဂို ပင်းနားဟာ ဧပြီ ၃၀ ရက်မှာ သမ္မတရွေးကောက်ပွဲကို အပြတ်အသတ် အနိုင်ရရှိခဲ့ပါတယ်။
ဒါကြောင့် ပါရာဂွေးနိုင်ငံမှာ ကွန်ဆာဗေးတစ် ကော်လိုရာဒိုပါတီရဲ့ နိုင်ငံရေးအရ ချုပ်ကိုင်နိုင်မှုကို ပိုမိုအားဖြည့်ရာ ရောက်သလို ထိုင်ဝမ်နဲ့ သံတမန်ဆက်ဆံရေး အဆုံးသတ်နိုင်တဲ့ စိုးရိမ်မှုတွေကို လည်း လျှော့ချနိုင်ခဲ့ပါတယ်။
ထိုင်ဝမ်နဲ့ ကာလရှည်ကြာ ဆက်ဆံရေးကို ဆက်ထိန်းသိမ်း သွားဖို့ ကတိပြုခဲ့တဲ့ ပင်းနားဟာ လျှို့ဝှက် မဲပေးမှု ၉၉ ရာခိုင်နှုန်း ကျော်မှာ ၄၂ ဒသမ ၇ ရာခိုင်နှုန်းအထိ ရရှိခဲ့တာပါ။
တရုတ်နိုင်ငံအပေါ် ပါရာဂွေးနိုင်ငံရဲ့ မှီခိုမှုကို ပြောင်းလဲရေးမှာ ငြင်းဆိုခဲ့တဲ့ ဗဟိုလက်ဝဲယိမ်း ပြိုင်ဘက်ဖြစ်သူ အက်ဖရိန် အာလေဂရီကတော့ ဒီရွေးကောက်ပွဲမှာ ရှုံးနိမ့် သွားခဲ့ပါတယ်။
ဒီရွေးကောက်ပွဲရလဒ်ကြောင့် ပင်းနားအနေနဲ့ လယ်ယာ စိုက်ပျိုးရေးအပေါ် အဓိကထားတဲ့ နိုင်ငံ့စီးပွားရေး ပြန်လည်တိုးတက်လာအောင် ကြိုးပမ်းရမယ့် စိန်ခေါ်မှုနဲ့ ရင်ဆိုင်ရတော့မှာပါ။
ဒါ့အပြင် အရေးပါတဲ့ ဘဏ္ဍာရေးလိုငွေပြမှု လျှော့ချနိုင်ဖို့၊ ပဲပိစပ်နဲ့ အမဲသားထုတ် လုပ်သူတွေက ထိုင်ဝမ်ကို စွန့်ပယ်ရင်း ဈေးကွက်အရ အလွန်ကြီးမားတဲ့ တရုတ်နိုင်ငံကိုသာ လိုလားနေတာ၊ စတာတွေကြောင့် ဖိအားတွေလည်း မြင့်တက်လာနိုင်ပါတယ်။
လွန်ခဲ့တဲ့ ၇၅ နှစ်တာအတွင်း သမ္မတရွေးကောက်ပွဲတွေမှာ တစ်ကြိမ်သာ ရှုံးနိမ့်ခဲ့ဖူးတဲ့ ကော်လိုရာဒိုပါတီအပေါ် တချို့မဲဆန္ဒရှင်တွေက နိုင်ငံ့စီပွားရေးနှေးကွေးမှုနဲ့ အကျင့်ပျက်ခြစားမှု ဆိုင်ရာ စွပ်စွဲချက်တွေကြောင့် မကျေနပ်မှုတွေ ပိုမိုများပြားလာနေပါတယ်။ ဒါပေမဲ့လည်း ပါရာဂွေး နိုင်ငံမှာ ကြီးမားတဲ့ လွှမ်းမိုးမှု ရှိနေဆဲပဲဖြစ်ပါတယ်။
