close

ဆရာဝန် ၁ ဦး

close

January 23, 2023

ဖားကန့်တွင် တိုက်ပွဲဖြစ်ပွားပြီး စစ်တပ်က ဆရာဝန် ၁ ဦးကို ဖမ်းဆီး

ကချင်ပြည်နယ်၊ ဖားကန့်မြို့နယ်မှာ ဇန်နဝါရီ ၂၃ ရက် ဒီမနက်အစောပိုင်းက စစ်ကောင်စီတပ်နဲ့ KIA၊ PDF တွေအကြား တိုက်ပွဲဖြစ်ပွားခဲ့ပြီးနောက်ပိုင်း စစ်ကောင်စီတပ်က  ဆရာဝန်တယောက်ကို ဖမ်းဆီးထားတယ်လို့ ဒေသခံတွေက ပြောပါတယ်။

ယူမာအဲဗားတာဝါတိုင်နားမှာ တပ်စွဲထားတဲ့ စစ်ကောင်စီတပ်စခန်းကုန်းကို KIA နဲ့ PDF တွေက မနက် ၅ နာရီကျော်လောက်မှာ ဝင်ရောက်တိုက်ခိုက်ခဲ့တာကြောင့် စစ်ကောင်စီတပ်သားတွေ အသေအဆုံးများနိုင်တယ်လို့ ဒေသခံတွေက ပြောပါတယ်။

ဖားကန့်ဒေသခံတဦးက “မနက်အစောပိုင်းဖြစ်တာ တိုက်ပွဲက၊ ဒီစကစဘက်က သေဆုံးတာ များနိုင်တယ်။ အဲ့ဒါပြီးတော့ ရွာတွေကို လက်နက်ကြီးတွေနဲ့ပစ်တယ်။ ပြီးတော့ အေးမြသာယာက ဆရာဝန်ကိုလည်း လာဖမ်းသွားတယ်” လို့ ပြောပါတယ်။

စစ်ကောင်စီက အလစ်ဝင်ရောက်တိုက်ခိုက်ခံရတာကြောင့် အသေအဆုံး အထိအခိုက် များနိုင်လို့ အေးမြသာယာကျေးရွာက ဆရာဝန်ကို မနက် ၁၀ နာရီလောက်မှာ လာဖမ်းသွားတာလို့ ဆိုပါတယ်။

တိုက်ပွဲဖြစ်ပွားပြီးနောက်ပိုင်း စစ်ကောင်စီက လက်နက်ကြီးနဲ့ ပစ်ခတ်မှုကြောင့် ယူမာအဲဗားရုံးချုပ် မီးဖိုချောင်နားကို လက်နက်ကြီး ကျရောက်ပေါက်ကွဲခဲ့ပေမဲ့ ထိခိုက်ဒဏ်ရာရတာမျိုးတော့ မရှိဘူးလို့ ဒေသခံတွေက ပြောပါတယ်။

ဖားကန့်မြို့နယ်မှာ စစ်ကောင်စီတပ်နဲ့ ဒေသကာကွယ်ရေးတပ်တွေအကြား မကြာခဏဆိုသလို တိုက်ပွဲတွေ ဖြစ်ပွားနေပြီး ဇန်နဝါရီ ၂၁ ရက် ညနေပိုင်းကလည်း စစ်ကောင်စီတပ်စွဲထားတဲ့ မြို့နယ်ထွေအုပ်ရုံးကို လက်နက်ကိုင်အဖွဲ့တဖွဲ့က ဗုံးပစ်လောင်ချာနဲ့ ၃ ချက် လာ ပစ်ခတ်သွားပါတယ်။

5 mins Ago

June 12, 2021

မြင်းခြံတွင် သားဖွားမီးယပ်အထူးကု ဆရာဝန် ၁ ဦးကို စစ်တပ်က ဖမ်းဆီး

မန္တလေးတိုင်းဒေသကြီး၊ မြင်းခြံမြို့မှာ ဇွန် ၁၁ ရက် ညနေ ၅ နာရီလောက်က  ဆရာဝန်တစ်ယောက်ကို  စစ်ကောင်စီက ဖမ်းဆီးသွားတယ်လို့ မြို့ခံတွေက ပြောပါတယ်။

ဖမ်းဆီးခံရသူမှာ မြင်းခြံဆေးရုံကြီးက သားဖွားမီးယပ်အထူးကု ဒေါက်တာရဲဇင်အောင် ဖြစ်ပြီး ဘာကြောင့် ဖမ်းဆီးခံရတယ်ဆိုတာ မသိသေးဘူးလို့ နီးစပ်သူတစ်ဦးက ပြောပါတယ်။

2 years Ago
Up