အမေရိကန်ပိုင် ဆာမိုအာကျွန်းနဲ့ တွန်ဂါကျွန်းကြားမှာ ရစ်ချ်တာစကေး ပြင်းအား ၆ ဒသမ ၇ ရှိ အင်အားပြင်းငလျင် ဒီဇင်ဘာ ၄ ရက်က လှုပ်ခတ်ခဲ့ပါတယ်။
ပစိဖိတ် ဆူနာမီသတိပေးဌာန (PTWC) က ဆူနာမီသတိပေးချက်ကို ကနဦး ထုတ်ပြန်ခဲ့ပေမဲ့ အေဂျင်စီက ပြန်လည်ရုပ်သိမ်းခဲ့ပါတယ်။
ဒီငလျင်ဟာ အမေရိကန် ဆာမိုအာကျွန်းရှိ တာဖူနာကျေးရွာ တောင်ဘက်နဲ့ အနောက်တောင်ဘက်မှာရှိတဲ့ ပင်လယ်သမုဒ္ဒရာ အောက် ၁၆၇ ဒသမ ၃ မိုင်အကွာမှာ မြေငလျင်လှုပ်ခတ်မှု ဖြစ်ပွားခဲ့တာလို့ အမေရိကန် ဘူမိဗေဒဆိုင်ရာ စစ်တမ်းအရ သိရပါတယ်။
ငလျင်ဗဟိုချက်ကတော့ တွန်ဂါကျွန်းရှိ ဟိုင်ဟီဖိုကျေးရွာရဲ့ မြောက်ဘက်နဲ့ အရှေ့မြောက်ဘက် ၆၇ မိုင်အကွာမှာ ဖြစ်ပါတယ်။
ငလျင်ကြောင့် ထိခိုက်ဒဏ်ရာရရှိမှုနဲ့ ပျက်စီးဆုံးရှုံးမှု အခြေအနေတွေကိုတော့ ချက်ချင်း ထုတ်ပြန်ခြင်း မရှိသေးဘူးလို့ ဒေသခံမီဒီယာတွေက ဖော်ပြပါတယ်။
