ဆားဘီးယားနိုင်ငံ မြို့တော် ဘဲလ်ဂရိတ်ရှိ မူလတန်းကျောင်းတကျောင်းမှာ မေ ၃ ရက် မနက်က ယောက်ျားလေးတဦး သေနတ်နဲ့ပစ်ခတ်မှုကြောင့် ကျောင်းသား ၈ ဦးနဲ့ လုံခြုံရေးအစောင့် ၁ ဦး သေဆုံးခဲ့ကြောင်း ပြည်ထဲရေးဝန်ကြီးဌာန သတင်းရင်းမြစ်တခုကို ကိုးကားပြီး ဆားဘီးယားသတင်းဌာန Tanjug က ဖော်ပြခဲ့ပါတယ်။

အစောပိုင်းတုန်းက မီဒီယာတွေမှာ လုံခြုံရေးအစောင့် ၁ ဦး သေဆုံးပြီး ကလေး ၅ ဦး ဒဏ်ရာရရှိခဲ့ကြောင်း ဖော်ပြထားပါတယ်။

ဆရာမတဦးလည်း ဒဏ်ရာရရှိခဲ့ပြီး အရေးပေါ်ကုသမှု ခံယူနေရကြောင်း Tanjug က ဖော်ပြခဲ့ပါတယ်။