ဆားဘီးယား အိုးပင်း တင်းနစ်ပြိုင်ပွဲ ကွာတားဖိုင်နယ် ပွဲစဉ်တွေကို ဧပြီ ၂၁ ရက်က ယှဉ်ပြိုင်ရာ ကမ္ဘာ့နံပါတ် ၁ ဖြစ်တဲ့ ဆားဘီးယား တင်းနစ်သမား နိုဗက်ဂျိုကိုဗစ်နဲ့ ရုရှားက ကာရင် ခါချန်နော့ဗ်တို့ အနိုင်ရပြီး အကြိုဗိုလ်လုပွဲကို တက်ရောက်သွားပါတယ်။
ကွာတားဖိုင်နယ် ပထမပွဲမှာ ဂျိုကိုဗစ်က တနိုင်ငံတည်းသားဖြစ်တဲ့ မီယိုမီ ကက်မာနိုဗစ်ကို အနိုင်ရပြီး နောက်တပွဲမှာတော့ ရုရှားက ခါချန်နော့ဗ်က ဘရာဇီးက ဂျာဘိုမွန်တေရိုကို အနိုင်ရကာ အကြိုဗိုလ်လုပွဲကို တက်ရောက်သွားကြတာပါ။
ဒီနေ့ ဧပြီ ၂၂ ရက်မှာ ဆက်ကစားဖို့ရှိတဲ့ ကွာတားဖိုင်နယ် နောက်နှစ်ပွဲမှာတော့ ရုရှားက နာမည်ကြီး အန်ဒရေး ရုဗလက်နဲ့ ဂျပန်က တာရို ဒန်ညို၊ နောက်တပွဲမှာ အီတလီက ဖာဘီယို ဖိုညီညီနဲ့ ဂျာမနီက အော်စကာ အော်တဲတို့ ယှဉ်ပြိုင်ကြမှာ ဖြစ်ပါတယ်။