close

ဆိုင်ကယ်အရောင်းဆိုင်

close

August 27, 2022

မိုးကောင်းတွင် မိုးကြိုးပစ်ခံရသဖြင့် ဆိုင်ကယ်အရောင်းဆိုင် မီးလောင်ပြီး ၂ ဦး သေဆုံး

ကချင်ပြည်နယ် မိုးကောင်းမြို့မှာ သြဂုတ် ၂၆ ညပိုင်းက မိုးကြိုးပစ်ခံရတာကြောင့် ဆိုင်တဆိုင် မီး လောင်ကာ ဆိုင်ဝန်ထမ်း အမျိုးသမီး နှစ်ယောက် သေဆုံးခဲ့တယ်လို့ ဒေသခံတွေက ပြောပါတယ်။

ကျွန်းတောရပ်ကွက်မှာရှိတဲ့ ငွေချမ်းမြေ့ဆိုင်ကယ်အရောင်းဆိုင် မိုးကြိုးပစ်ခံရတဲ့အတွက် မီးလောင်ပြီး ဆိုင်ဝန်ထမ်းနှစ်ယောက် ဆိုင်အတွင်း ပိတ်မိသေဆုံးခဲ့တာပါ။

မီးငြိမ်းသတ်ခဲ့သူ ဒေသခံအမျိုးသားတဦးက “ည ၁၀နာရီလောက်က မိုးတွေ အရမ်းသဲပြီး မိုးကြိုး ပစ်တယ်။ ဆိုင်ရဲ့အောက်ထပ်မှာ ရှောခ့်ဖြစ်ပြီး မီးလောင်နေတော့ အပေါ်ထပ်က ဝန်ထမ်းနှစ်ဦး အပြင်ထွက်မရလို့ မီးလောင်တဲ့အထဲ ပါသွားတယ်” လို့ ပြောပါတယ်။

မီးလောင်ပြီး ဆိုင်အတွင်းသေဆုံးခဲ့တဲ့ ဝန်ထမ်းနှစ်ယောက်ဟာ အသက် ၂၀ ကျော်အရွယ် မဝေမာအောင်နဲ့ မအိအိသက်တို့ဖြစ်တယ်လို့ ဆိုပါတယ်။

မိုးကြိုးပစ်ခံရတဲ့အတွက် ငွေချမ်းမြေ့ဆိုင်ကယ်အရောင်းဆိုင်က ဆိုင်ကယ်နဲ့ စက်ပစ္စည်းအားလုံး မီးလောင်ခဲ့တယ်လို့ သိရပါတယ်။

PHOTO CJ

4 hours Ago

May 9, 2021

ပူတာအိုတွင် ဆိုင်ကယ်သစ် ၇ စီးကို အကြမ်းဖက်စစ်ကောင်စီ သိမ်းဆည်း

ကချင်ပြည်နယ် ပူတာအိုမြို့မှာ မေ ၈ ရက်ညက ဆိုင်ကယ်အရောင်းဆိုင်တွေဆီကနေ အကြမ်းဖက်စစ်ကောင်စီတပ်ဖွဲ့၊ ရဲနဲ့ ကျေးရွာအုပ်ချူပ်ရေးမှူးတွေက ဆိုင်ကယ်တွေကို လိုက်လံ သိမ်းဆည်းသွားတယ်လို့ ပူတာအိုဒေသခံတစ်ဦးက ပြောပါတယ်။

မေ ၈ ရက် ညပိုင်းမှာ ပူတာအိုမြို့အတွင်းက ဆိုင်ကယ်အရောင်းဆိုင် ၃ ဆိုင်က ဆိုင်ကယ် စုစုပေါင်း ၇ စီးကို သိမ်းဆည်းသွားတာပါ။

"ဆိုင်ကယ်အရောင်းလိုင်စင် မရှိလို့ဆိုပြီး အကြမ်းဖက်တပ်ဖွဲ့နဲ့ ရပ်ကွက်အုပ်ချူပ်ရေးမှူးတွေက ဆိုင်ကယ်လိုက်သိမ်း‌နေပြီး ဆိုင်ကယ်အသစ်စုစုပေါင်း ၇ စီး ပါသွားတယ်" လို့ ပူတာအိုဒေသခံက ပြောပါတယ်။

ပူတာအိုမြို့ဟာ အဖြူရောင်နယ်မြေလို့ တင်စားခေါ်ဝေါ်ခဲ့တဲ့ ဒေသတစ်ခုဖြစ်ခဲ့ပေမဲ့ အခုချိန်မှာ အကြမ်းဖက်အာဏာသိမ်းစစ်ကောင်စီဘက်က ပထမဆုံးအကြိမ် ပြည်သူပိုင်ပစ္စည်းတွေကို မတရားသိမ်းဆည်းဖြစ်တယ်လို့ သိရပါတယ်။

1 year Ago
Up