ဗြိတိန်ဘုရင်မကြီးကွယ်လွန်သွားခဲ့တာဟာ အစားထိုးမရတဲ့ဆုံးရှုံးမှုဖြစ်ကြောင်း မန်ယူနိုက်တက် တိုက်စစ်မှူး စီရော်နယ်ဒိုက ပြောပါတယ်။
ဘုရင်မကြီး အဲလိဇဘက် ၂ ကွယ်လွန်ခဲ့တဲ့အပေါ် တခြားနာမည်ကြီး ဘောလုံးလောကသားတွေကလည်း နှမြောတသ ဖြစ်ခဲ့ကြပြီး ရော်နယ်ဒိုဟာလည်း အင်စ တာဂရမ်ကနေ ရေးသားခဲ့တာပါ။
အင်္ဂလန်ပရီးမီးယားလိဂ်မှာ ၈ နှစ်မြောက် ဘောလုံးရာသီကို ဖြတ်သန်းနေပြီး အဲဒီကာလတွေမှာ ဘုရင်မကြီးရဲ့ မေတ္တာတရားကို ခံစားခဲ့ရကြောင်း၊ ဘုရင်မကြီးဟာ ဗြိတိန်ပြည်သူတွေအတွက် အမြဲတမ်း အရေးပါတဲ့သူဖြစ်ကြောင်း ရော်နယ်ဒိုက အင်စတာဂရမ်မှာရေးသားခဲ့ပါတယ်။
ဒါ့အပြင် ဘုရင်မကြီးရဲ့ အမှတ်တရတွေ အားလုံးကို လေးစားပြီး တိုင်းပြည်အတွက် အစားထိုးမရတဲ့ဆုံးရှုံးမှုဖြစ်လို့ မိသားစုဝင်တွေနဲ့ထပ်တူ ကြေကွဲဝမ်းနည်းရကြောင်း ရော်နယ်ဒိုကပြောပါတယ်။
အသက် ၃၇ နှစ်ရှိ ရော်နယ်ဒိုဟာ ၂၀၀၃ ခုနှစ်က အင်္ဂလန်ကို ပြောင်းရွှေ့လာခဲ့ပြီး ၆ နှစ်ဆက်တိုက် ကစားခဲ့ပါတယ်။ အဲဒီနောက် ရီးရဲလ်မက်ဒရစ်ကိုပြောင်းရွှေ့ခဲ့ပြီး ပြီးခဲ့တဲ့ရာသီက အင်္ဂလန်ကို ပြန်လည်ပြောင်းရွှေ့လာခဲ့တာဖြစ်ပါတယ်။