အင်္ဂလန်နည်းပြဆောက်ဂိတ်ဟာ မနေ့ညက အီရန်အသင်းကို (၆-၂) ဂိုးနဲ့ အနိုင်ရခဲ့ပြီးနောက် အဓိကပြိုင်ပွဲကြီးတွေမှာ နိုင်ပွဲအများဆုံး အင်္ဂလန်နည်းပြအဖြစ် စံချိန်တင်နိုင်ခဲ့ပါတယ်။
ဒါ့အပြင် ကမ္ဘာ့ဖလား အဖွင့်ပွဲစဉ်မှာ ပထမဆုံးအကြိမ် ၆ ဂိုးသွင်းယူနိုင်ခဲ့တဲ့ မှတ်တမ်းလည်းရရှိခဲ့ပါတယ်။
နည်းပြ ဆောက်ဂိတ်ဟာ ကမ္ဘာ့ဖလားနဲ့ ယူရိုပြိုင်ပွဲတွေမှာ အင်္ဂလန်အသင်းနဲ့အတူ နိုင်ပွဲ ၉ ပွဲ အထိရှိ လာခဲ့ပြီး နည်းပြဟောင်း ဆာအဲဖ်ရမ်ဆေးစံချိန်တင်ထားတဲ့ နိုင်ပွဲ ၈ ပွဲစံချိန်ကို ကျော်ဖြတ်နိုင်ခဲ့တာပါ။
ဒါပေမဲ့ ကမ္ဘာ့ဖလားပြိုင်ပွဲ သီးသန့်ဆိုရင်တော့ ၁၉၆၆ ခုနှစ်မှာ ချန်ပီယံဖြစ်ခဲ့အောင်စွမ်းဆောင်ခဲ့တဲ့ အင်္ဂလန်နည်းပြဟောင်း ရမ်ဆေးရဲ့နိုင်ပွဲစံချိန်ကို မမီသေးပါဘူး။
အင်္ဂလန်အသင်းဟာ အုပ်စုတွင်းပြိုင်ဘက်တွေ ဖြစ်တဲ့ အမေရိကန်၊ ဝေးလ်အသင်းတွေနဲ့ ဆက်ကစားရဖို့ရှိပြီး နိုင်ပွဲစံချိန်ထပ်တင်ဖို့ကြိုးစားရမှာဖြစ်ပါတယ်။
