ဘရာဇီးနိုင်ငံ အရှေ့တောင်ဘက်ရှိ ရေတံခွန်တခုကို အလည်လာတဲ့ မော်တာဘုတ်တွေအနက် တခုပေါ်ကို မတ်စောက်တဲ့ ကျောက်နံရံပေါ်က ကျောက်တုံးတလုံး ပြုတ်ကျတာကြောင့် လူ ၁၀ ဦး သေဆုံးခဲ့ပါတယ်။
ဘရာဇီးရဲ့ နာမည်ကျော် ကပီတိုလီယိုကျွန်းတွေဆီ အပျော်စီးမော်တော်ဘုတ်တွေ အများအပြား လာလေ့ရှိပါတယ်။ ဇန်နဝါရီ ၉ ရက်နေ့က ကျောက်နံရံပေါ်က ကျောက်တုံးကြီးတတုံး မော်တော်ဘုတ်တစီးပေါ် ရုတ်တရက် တည်တည့်ကြီး ပြုတ်ကျတာပါ။
မီးသတ်တွေက လက်ရှိ အလောင်း ၃ လောင်း တွေ့ရှိထားပါတယ်။ မော်တော်ဘုတ်ပေါ်ပါတဲ့ အခြားခရီးသည် ၃၀ ဦး ရေလှိုင်းရိုက်ပုတ်မှုကြောင့် ဒဏ်ရာ အပြင်းအထန် ရရှိခဲ့ပါတယ်။
