close

ညောင်တုန်းမြို့

close

February 16, 2022

ညောင်တုန်းမြို့ ကေတီဗွီတွင် ရန်ဖြစ်ပြီး ဓားထိုးခံရသဖြင့် ရဲတပ်ဖွဲ့ဝင် ၁ ဦး သေဆုံး

ဧရာဝတီတိုင်း ညောင်တုန်းမြို့က ကေတီဗွီဆိုင်တဆိုင်မှာ ဖေဖော်ဝါရီ ၁၅ ရက်ညက ရဲနဲ့ အရပ်သားတွေ  မိန်းကလေးလုရင်း ရန်ဖြစ်ကြရာက  ရဲတယောက် ဓားထိုးခံရပြီး  သေဆုံးသွားပါတယ်။

ဗိုလ်မြတ်ထွန်းတံတားနားက မန်းကေသီစားသောက်ဆိုင်မှာ ညပိုင်း ၈ နာရီလောက်က ဖြစ်ခဲ့ပြီး သေဆုံးသူက ဒုရဲအုပ် အောင်သူလို့ ဒေသခံတွေက ပြောပါတယ်။

“အဲဒီဆိုင်က မြို့မ ရဲစခန်းက ရဲတယောက် ရှယ်ယာပါတာ။ မာဆတ်နဲ့ ကေတီဗွီပါ တွဲဖွင့်ထားတာ။ သူတို့က ကောင်မလေးလုရင်း ရန်ဖြစ်ကြတယ်။ ရဲက ဓားထိုးခံရပြီး အဲဒီနေရာမှာပဲ သေသွားတယ်” လို့ ဒေသခံတယောက်က ပြောပါတယ်။

အရပ်သား ၅ ယောက်နဲ့ စကားများ ရန်ဖြစ်ခဲ့ကြပြီး အဲဒီအရပ်သားတွေဟာ ကားနဲ့ ဗိုလ်မြတ်ထွန်းတံတားပေါ်ကို မောင်းပြေးကြတယ်လို့ ဒေသခံတွေက ပြောပါတယ်။

ထွက်ပြေးသွားသူတွေကို စစ်သားနဲ့ ရဲတွေလိုက်လံဖမ်းဆီးရာမှာ ကြိမ်ပင်ဆည်ဂိတ်မှာ ဖမ်းဆီးမိတယ်လို့လည်း သိရပါတယ်။ အဲဒီထဲက တယောက်က ပေါင်မှာ သေနတ်ထိ ဒဏ်ရာရသွားပြီး ကျန်တဲ့သူတွေလည်း ရိုက်နှက်ခံထားရတယ်လို့ ဒေသခံတွေက ပြောပါတယ်။

6 mins Ago

August 21, 2021

ညောင်တုန်းမြို့နယ်တွင် Mytel ဖုန်း တာဝါတိုင် ၂ ခု ဖောက်ခွဲခံရ

ညောင်တုန်းမြို့နယ်မှာ ဩဂုတ် ၂ဝ ရက် ညပိုင်းက Mytel ဖုန်း တာဝါတိုင် ၂ ခု ဖောက်ခွဲခံရတယ်လို့  ဒေသခံတွေက ပြောပါတယ်။

အုန်းပင်ရွာနဲ့ သူကြီးရွာက တာဝါတိုင်တွေကို ည ၇ နာရီခွဲလောက်က ဗုံးဖောက်ခံလိုက်ရတာလို့ ဒေသခံတဦးက ပြောပါတယ်။

“ရဲတွေ စုံစမ်းဖို့ရောက်လာတယ်။ တိုင်တွေကတော့ ဘာမှ မဖြစ်ဘူး။ စက်ပိုင်းဆိုင်ရာတွေကတော့ ပျက်သွားတယ်။” 

ဒီနေ့မှာတော့ ညောင်တုန်းမြို့အဝင် ဆောက်လုပ်ရေးဂိတ်မှာ လုံခြုံရေးတင်းကျပ်ထားတယ်လို့ သိရပါတယ်။

 Mytel ဖုန်း တာဝါတိုင် ၂ ခုကို ဘယ်အဖွဲ့က ဖောက်ခွဲတယ်ဆိုတာတော့ မသိရသေးပါဘူး။

6 months Ago
Up