ကနေဒါနိုင်ငံရဲ့ ဌာနေတိုင်းရင်းသား ကလေးတွေအပေါ် ဆက်ဆံခံရမှုနဲ့ပတ်သက်ပြီး ဒေါသထွက်နေကြတဲ့ ဆန္ဒပြသူတွေဟာ ဝင်နီပက်ဂ်မြို့တော်မှာ ဇူလိုင် ၁ ရက်က ဗစ်တိုးရီးယားဘုရင်မနဲ့ ဒုတိယအဲလစ်ဇဘက် ဘုရင်မတို့ရဲ့ ရုပ်တုတွေကို ဖြိုချခဲ့ပါတယ်။ 

အစိုးရက ငွေကြေးထောက်ပံ့ပေးပြီး ကက်သလစ်ဘုရားရှိခိုးကျောင်းက အဓိက လုပ်ဆောင်တဲ့ လူနေအိမ် ဘော်ဒါကျောင်းစနစ်မှ ဗြိတိသျှကိုလံဘီယာနဲ့ ဆက်စ်ခက်ချဝမ်ရှိ ဘော်ဒါကျောင်းဟောင်းနေရာတွေမှာ နာမည်ကမ္ပည်းတိုင်တောင် အမှတ်အသား မရှိတဲ့ သင်္ချိုင်းပေါင်း ၁၀၀၀ နီးပါးလောက်ကို မေလကစပြီး တွေ့ရှိခဲ့တာပါ။

 ဒီရှာဖွေတွေ့ရှိမှုဟာ ကနေဒါရဲ့ ကိုလိုနီခေတ် အတိတ်ကာလကို မီးထိုးပြနေတာပါ။ ဆန္ဒပြလူအုပ်ကြီးဟာ ဘုရင်မ ဗစ်တိုးရီးယား ရုပ်တုရဲ့ အောက်ခံခုံပေါ် တက်ရပ်ပြီးတော့ ငါတို့ ကလေးတွေ အိမ်ပြန်ပို့ပေး ဆိုပြီး အော်ဟစ်ခဲ့ကြပါတယ်။ 

အစဉ်အလာအရ ကနေဒါနိုင်ငံရဲ့နေ့လို့ သိထားကြတဲ့ ဇူလိုင် ၁ ရက်မှာ အိမ်နောက်ဖေး အသားကင်နဲ့ မီးရှူးမီးပန်းတွေနဲ့ ကျင်းပလေ့ရှိပေမဲ့ ဒီနှစ်မှာတော့ ကနေဒါ ၀န်ကြီးချုပ် ဂျပ်စတင်ထရူးဒိုးက  ဒီနေ့ဟာ ပြန်စဉ်းစားသုံးသပ်ရမယ့်အချိန် ဖြစ်မယ်လို့ ပြောကြားခဲ့ပါတယ်။

ကနေဒါ လူနေအိမ်ကျောင်းစနစ်ရဲ့ သားကောင်တွေနဲ့ အသက်ရှင် ကျန်ရစ်သူတွေကို ဂုဏ်ပြုတဲ့အနေနဲ့ လိမ္မော်ရောင် ရှပ်အင်္ကျီတွေကို ဝတ်ဆင်ထားတဲ့ လူထောင်ပေါင်းများစွာ စုရုံးခဲ့ ကြတာကြောင့် ကနေဒါနိုင်ငံရဲ့ မြို့တော်အော်တဝါက #CancelCanadaDay ချီတက်ပွဲဟာ လိမ္မော်ရောင်ပင်လယ်ကြီးအဖြစ် ပြောင်းလဲသွားခဲ့ပါတယ်။ 

တက်ကြွသူတွေနဲ့ လူအုပ်စုတွေဟာ နိုင်ငံရဲ့တခြားဒေသတွေမှာလည်း စုဝေးဆန္ဒပြခဲ့ ကြပါတယ်။