ယူကရိန်းနိုင်ငံအရှေ့ပိုင်းက တိုက်ပွားတွေဖြစ်ပွားနေတဲ့ ဘတ်ခ်မွတ်မြို့မှာ အခြေအနေ တည်ငြိမ်သွားပြီလို့ စစ်ဦးစီးချုပ်ဖြစ်သူ ဗိုလ်ချုပ်ကြီး ဗယ်လာရီ ဇာလုဇ်နီက ပြောပါတယ်။ 

မတ် ၂၄ ရက်က ထုတ်ပြန်လိုက်တဲ့ ဗွီဒီယိုမှတ်တမ်းအရ နှစ်ဖက်စစ်တပ်ဝန်းရံထားတဲ့ ဒွန်ညက်ခ်ဒေသက မြို့တခုရဲ့ လူနေရပ်ကွက်မှာ အကြီးအကျယ် ပျက်စီးနေတာကို တွေ့ရပြီး ရိုက်တာသတင်းဌာနကတော့ ဒီဗွီဒီယိုထဲက တည်နေရာကို အတည်ပြုနိုင်ပေမယ့် ရိုက်ကူးထားတဲ့ နေ့ရက်ကိုတော့ မသိရသေးဘူးလို့ ဆိုပါတယ်။ 

ယူကရိန်းတပ်ဖွဲ့တွေဟာ တိုက်ပွားဖြစ်ပွားရာ ဘတ်ခ်မွတ်မြို့မှာ ရုရှားဘက်က ထိုးစစ်ဆင်လာမှု ကို တန်ပြန် ချေမှုန်းနိုင်ခဲ့တဲ့အတွက် လက်ရှိအချိန်မှာ အခြေအနေတည်ငြိမ်နေတာလို့ စစ်ဦးစီးချုပ်ဖြစ်သူက မတ် ၂၅ ရက်မှာ ပြောခဲ့တာပါ။ 

ယူကရိန်းနိုင်ငံရဲ့ စက်မှုလုပ်ငန်းထွန်းကားရာ ဒွန်ဘတ်စ်ဒေသတခုလုံးကို သိမ်းပိုက်ဖို့ ကြိုးပမ်းနေတဲ့ ရုရှားအတွက် ဘတ်ခ်မွတ်မြို့က အဓိကပစ်မှတ်တခု ဖြစ်လာခဲ့ပါတယ်။

တချိန်က ရုရှားတပ်မှူးတွေအနေနဲ့ ဘတ်ခ်မတ်မြို့ မကြာခင်ကျဆုံးတော့မယ်လို့ ယုံကြည် ထားခဲ့ကြပေမယ့် ပြင်းထန်တဲ့ တိုက်ပွဲတွေအကြား ဒီယုံကြည်ချက်ဟာ တဖြည်းဖြည်း လျော့ပါးလို့လာခဲ့ပါတယ်။ 

မကြာသေးမီရက်တွေအတွင်း ဘတ်တ်ခ်မတ်မြို့တွင်းနဲ့ အနီးတဝိုက်မှာ တနေ့ကို အကြိမ် ၃၀ လောက် ရုရှားဘက်က တိုက်ခိုက်ခဲ့ရာကနေ အကြိမ် ၂၀ လောက်အထိ တိုက်ခိုက်မှု လျော့နည်းသွားတယ်လို့ ယူကရိန်းစစ်တပ်ပြောရေးဆိုခွင့်ရှိသူ ဆာဟီး ချာရာဗတ်တီ က ပြောပါတယ်။