ပရီးမီးယားလိဂ်ဒိုင်တွေရဲ့ မှားယွင်းဆုံးဖြတ်မှုအတွက် ဘရိုက်တန်အသင်းဟာ တတိယအကြိမ်မြောက် တောင်းပန်လွှာလက်ခံရရှိခဲ့ပါတယ်။
စပါးအသင်းကို ၂ ဂိုး ၁ ဂိုးနဲ့ ရှုံးနိမ့်ခဲ့တဲ့ ပွဲစဉ်မှာ ဘရိုက်တန်တိုက်စစ်မှူး မီတိုမာကို စပါးကွင်းလယ်လူ ဟော့ဘယက်က ပြစ်ဒဏ်ဘောကျူးလွန်ခဲ့ပေမဲ့ ပင်နယ်တီသတ်မှတ် ပေးခြင်းမရှိခဲ့တာပါ။
အဲဒီဖြစ်ရပ်ဟာ ပင်နယ်တီပေးသင့်တဲ့ ပြစ်ဒဏ်ကျူးလွန်မှုဖြစ်ကြောင်း ပရီးမီးယားလိဂ် ဒိုင်လူကြီးများအဖွဲ့ရဲ့ အကြီးအကဲဖြစ်သူ ဟောင်းဝါ့ဒ်ဝက်ဘ်က ဝန်ခံခဲ့ပြီး ဘရိုက်တန် အသင်းကိုတောင်းပန်ကြောင်း စာရေးသားပေးပို့ခဲ့ပါတယ်။
အဆိုပါဖြစ်ရပ်ကို အဲဒီပွဲစဉ်ကို ကိုင်တွယ်ခဲ့တဲ့ ကွင်းလယ်ဒိုင် မိုက်ကယ်ဆာလစ်ဘူရီက VAR နဲ့ စစ်ဆေးခဲ့ပေမဲ့ ပင်နယ်တီသတ်မှတ်ပေးခြင်းမရှိ ခဲ့တာပါ။
ဒါဟာ ဘရိုက်တန်အသင်းအတွက် သုံးကြိမ်မြောက် မှားယွင်းဆုံးဖြတ်ခံရမှုဖြစ်ပြီး တောင်းပန်စာလည်း သုံးကြိမ်လက်ခံရရှိခဲ့တာပါ။
ပြီးခဲ့တဲ့ဖေဖော်ဝါရီလက ပဲလေ့နဲ့ပွဲစဉ်၊ ဗီလာနဲ့ပွဲစဉ်တွေမှာလည်း အလားတူ မှားယွင်းဆုံးဖြတ်ခံရမှုတွေရှိခဲ့တာ ဖြစ်ပါတယ်။
